Ўзбекистон президенти Шавкат Мирзиёев Бишкекда бўлиб ўтаётган Туркия давлатлар ташкилоти саммити доирасида Венгрия бош вазири Виктор Орбан билан учрашди.

Исроил бош вазири Биньямин Нетаньяху “уруш даврида ораларида ишонч йўқолгани сабабли” мудофаа вазири Йоав Галантни ишдан бўшатди. Унинг ўрнига ташқи ишлар вазири Исроил Кац тайинланди. ҲАМАС ушбу қарорга муносабат билдирди.

Reuters агентлиги манбаларига таянган ҳолда Дональд Трамп АҚШ президенти этиб сайланганини маълум қилди. Fox news Трамп сайловчилар вакилларининг президентлик учун зарур 277 та овозини тўплаганини маълум қилди. Президентликка номзод Роберт Кеннеди – кичик уни ғалабаси билан табриклади.

АҚШ президентлигига сайловларда Республикачилар партиясидан президентликка номзод Дональд Трамп 50 штатнинг 40 тасида 230 делегатни, унинг рақиби, Демократлар партиясидан президентликка номзод Камала Харрис эса 205 делегат овозини тўплади. Ғалаба қозониш учун ҳар қандай номзод 270 сайловчи овозини олиши керак

Малайзия “Фаластин билан боғлиқ масалаларда қонунлар, қоидалар ва қарорлар бузилган бўлса” Исроилни жаҳон ташкилотидан чиқариб юбориш таклифни ўз ичига олган резолюцияни ишлаб чиқмоқда. “Бу Исроил режимининг ваҳшийликларини тўхтатиб, Фаластин халқига ҳаётий ёрдам етказилишига хизмат қилади”, - дея таъкидлади мамлакат бош вазири Анвар Иброҳим.

Шимолий Кореянинг Россияга ҳарбий ёрдами ҳақидаги таҳлиллар халқаро нашрларнинг асосий саҳифаларидан жой олиб улгурди. Ғарб санкциялари ва халқаро изоляция шароитида бу икки авторитар бошқарувдаги давлатнинг ҳамкорликни кучайтириши кўпчиликнинг эътиборини тортди. Хўш, бу ҳамкорлик урушнинг Осиёга ҳам кўчишидан даракми? Сиёсий тадқиқотчи Жонатан Фентон-Ҳарви мақоласида.

Туркия «яшил» лойиҳаларни амалга ошириш эвазига Қирғизистоннинг 58,8 млн долларлик ташқи қарзидан кечди. Шунингдек, Туркия ва Қирғизистон ўртасида 19 та ҳужжат имзоланди. Туркиянинг İhlas Holding холдинги билан энергетика соҳасида 7 млрд долларлик келишувга эришилди.

Эроннинг Систон ва Балужистон вилоятида террорчилик ташкилотига аъзоликда гумон қилинган тўрт киши ўлдирилгани, яна олти киши қўлга олингани маълум қилинди. Мамлакатнинг ушбу қисмида асосан сунний мусулмонлар – балужлар яшайди ва улар Покистондаги балужлар билан мустақиллик учун курашиб келмоқда.

Исроил Ғазо секторида босқинчилик ва қирғинбарот урушини бошлаганига 396 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар.

Украинадаги урушда Россия қўшинлари сафида иштирок этган 51 ёшли Ўзбекистон фуқароси беш йил муддатга қамалди. Унинг украин дрони томонидан ташланган снаряд портлаши оқибатида жароҳатлангани маълум бўлди.