23.01.2025 11:52
Лос-Анжелесда яна йирик ёнғин бошланди
Атиги бир неча соат ичида ёнғин Лос-Анжелеснинг Итон туманини кулга айлантирган даҳшатли ёнғиннинг учдан икки қисми даражасида катталашган.
Маълум қилинишича, ёнғин аллақачон ҳудуднинг 37 квадрат километрини қамраб олган.
31 минг киши хавфсиз жойга кўчирилади, яна 23 минг киши эвакуация қилиниши ҳақида огоҳлантирилган.
Эслатиб ўтамиз, Лос-Анжелес тарихида энг талафотли дейилган аввалроқ юз берган ёнғинлар оқибатида 24 киши ҳалок бўлган, 16 киши бедарак йўқолган эди. Оловли офат 250-275 млрд доллар атрофида зарар етказгани тахмин қилинмоқда.