Франциядаги секуляризм сиёсатининг мамлакатдаги мусулмон жамиятига ҳамда унинг радикаллашувига таъсири алоҳида тадқиқ этилиши керак бўлган мавзу ҳисобланади. Бу масала Франция сингари Ўзбекистонда ҳам содир бўлаётган жараёнларнинг қаерга қараб кетаётганини тушуниш учун жуда муҳимдир.

Бангладеш муваққат ҳукуматининг ташқи ишлар бўйича маслаҳатчиси Тоуҳид Ҳусайн Мьянманинг Ракхайн штатидаги можаролардан қочган 8 мингга яқин роҳинжа мусулмонлари Бангладешга етиб келганини маълум қилди. “Мамлакат кўпроқ қочқинларга гуманитар бошпана бериш имкониятига эга эмас ва энди роҳинжа мусулмонларини қабул қила олмайди”, - деди у.

Қирғизистоннинг Москвадаги элчихонаси Россияга келиш учун узрли сабаблари бўлмаган фуқароларни ушбу мамлакатга сафар қилишдан вақтинча тийилиб туришга чақирди. Бунга “РФ ҳудудида жорий қилинган қўшимча хавфсизлик чоралари ва чет элликларнинг мамлакат чегарасини кесиб ўтишида назорат кучайтирилганини” сабаб қилиб келтирди.

Исроил Ғазо секторида босқинчилик ва қирғинбарот урушини бошлаганига 335 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар.

Ўзбекистон президенти Шавкат Мирзиёев Тошкент-Самарқанд пулли йўлини қуришни бошлаш кўзда тутилган қарорни имзолади. Ҳужжатга кўра, сентябрда тендер ўтказилиб, ишлар декабрда бошланиши керак. Лойиҳани 2028 йилда якунлаш ҳамда хусусий-давлат шериклик асосида бошқарувни хусусий операторга топшириш режалаштирилмоқда. Тошкент-Андижон, Самарқанд-Бухоро пулли йўллари, “Тахтақорача” довонида туннел қуриш ҳам режалаштирилган.

2005 йилда ҳокимиятдан ағдарилган Аскар Акаев Қирғизистон Жогорку Кенешига собиқ президент мақомини тиклашни сўраб мурожаат қилди. Парламент фракциялари ва депутатлари маслаҳатлашиб, якуний қарор қабул қилади.

АҚШнинг Жоржия штатида 14 ёшли ўқувчи мактабда отишма содир этди. Натижада тўрт киши – икки ўқувчи ва икки ўқитувчи ҳалок бўлди, 30 га яқин киши жароҳатланди. Қўлга олинган ўсмир ўтган йили мактабда отишма содир этилиши ҳақида таҳдидли аноним хабар юборгани учун сўроқ қилинган.

Охирги вақтларда соқоли бор фуқароларимиз ҳуқуқни муҳофаза қилувчи органлар томонидан сўроқ қилиниб, соқоллари олдирилаётгани ҳақидаги хабарларни кўп эшитяпмиз. Бунинг асл сабаби нима? Соқол қўйган эркакларнинг юқоридагиларга ёқмаслигими?! Ёки бу ҳам бир исломофобиянинг кўринишими?!

Ислом дини истибро қилишни буюради. Истибро - пешоб чиқаргандан сўнг қолиб кетган сийдик томчиларидан тўлиқ халос бўлиш деганидир. Нима учун буюрилишини биламиз. Пок бўлиш учун. Тиббий жиҳатдан бунинг фойдалари ҳам кейинчалик очилди.

Ашхобод аэропортида рус тилидаги саволларни тушунмаган ва жавоб бера олмаган йўловчилар, асосан ёшлар, барча ҳужжатлари жойида бўлишига қарамасдан, қайтариб юборилмоқда. Ёшларни рейсларга чиқармаслик ҳолати Туркияга парвозларда ҳам кузатилмоқда.