Сўнгги кунларда Марокашнинг турли шаҳарларида – Работ, Касабланка, Танжа, Марракеш, Фас, Тетуан, Ужда, Ағодир ва бошқа ҳудудларда йирик норозилик намойишлари бўлиб ўтди. Ёшлар асосан ижтимоий тармоқларда фаолият юритаётган «Genz 212» ҳаракати чақириқлари асосида кўчаларга чиқишди. Улар “Соғлиқ биринчи, Жаҳон чемпионати керак эмас”, “На соғлиқ, на таълим – бу Аллоҳга таваккал қилган Марокаш” каби шиорларни кўтариб, ҳукуматдан соғлиқни сақлаш ва таълим тизимини тубдан ислоҳ қилишни талаб қилишди.

The New York Times ва Сиена университети томонидан ўтказилган сўровнома натижаларига кўра, 60% америкалик босқинчи исроил Ғазодаги урушни ҲАМАС барча гаровга олинганларни қўйиб юбормаган тақдирда ҳам тўхтатиши керак, деб ҳисоблайди.

Россияда меҳнат қилаётган фуқаролар учун тил ва билим синовларини соддалаштириш таклифини илгари сурилди. Бу ҳақда Миграция агентлиги директори Беҳзод Мусаев маълум қилди.

Фаластиннинг ҲАМАС ҳаракати барча тирик исроиллик гаровдаларни озод қилишга ва АҚШ президенти Дональд Трампнинг режасига мувофиқ ҳалок бўлганларнинг жасадларини топширишга тайёрлигини маълум қилди.

Сурия-америкалик раввин Генри Хамра Дамашқ округидан Халқ мажлисига ўз номзодини қўйди. Шу тариқа, у 1967 йилдан буён Сурияда парламент сайловида қатнашган биринчи яҳудий номзодга айланди. Агар сайланса Хамра ўтган асрнинг 40-йилларидан бери парламентдаги илк яҳудий депутат бўлади.

Археологлар Саудия Арабистонининг Нефуд саҳросидаги қояларга ўйиб ишланган ҳайвон тасвирларини аниқлади. Бу топилма Арабистон ярим оролининг шимолида инсоният тарихи аввал тахмин қилинганидан камида 2000 йил қадимроқ эканини кўрсатди.

Жанубий Африка Республикасининг Франциядаги элчиси Нкосинати Эммануэл Мтҳетҳва босқинчи исроилга қарши Халқаро жиноий судга даъво аризаси киритгани учун Тел-Авив буюртмаси билан ўлдирилгани айтилмоқда.

Тожикистон президенти Эмомали Раҳмон никоҳни бекор қилиш бўйича давлат божи оширилишини назарда тутувчи ҳужжатни имзолади.

Ғазодаги вазиятнинг ҳалокатли эканини тилга олган Путин, "Трампнинг режаси "икки давлат ечими"га ҳисса қўшсагина, уни қўллаб-қувватлаши"ни маълум қилган.

Tolo News нашрининг хабар беришича, Афғонистонда интернет тўлиқ тикланган. 29 сентябр куни дунёда интернет эркинлиги мониторинги билан шуғулланувчи NetBlocks ташкилоти «Толибон» оптик толали интернетни ўчирганини билдирганди.