17.06.2025 11:33
43
Хитой Қозоғистонда иккинчи АЭСни қуради
Қозоғистон мамлакатдаги иккинчи атом электр станциясини қурадиган консорциум раҳбари сифатида Хитой Миллий Ядро Корпорациясини (CNNC) танлади.
Атом энергетикаси агентлиги раиси Алмасадам Саткалиевнинг айтишича, ҳукумат Хитой билан атом соҳасидаги ҳамкорлик бўйича бош келишувни имзоламоқчи. Саткалиев Пекин билан ҳамкорликни Остона учун устувор йўналишлардан бири эканлигини таъкидлаган. Шунингдек, АЭС қурилиши учун Хитой технологиялари ва тажрибасига катта қизиқиш борлигини айтиб ўтди.
"Дунё миқёсида бутун атом циклини ўз кучи билан амалга ошира оладиган мамлакатлар сони унчалик кўп эмас. Шубҳасиз, Хитой барча зарур технологияларга, тўлиқ саноат ва ишлаб чиқариш базасига эга бўлган давлатлардан биридир", деган Саткалиев.
Олдинроқ, Қозоғистон биринчи атом электр станциясини қуриш бўйича консорциумга раҳбарлик қилиш учун "Росатом"ни танлаган эди.
