Ташқи ишлар вазирлиги матбуот котиби Аҳрор Бурханов Ўзбекистон Афғонистонга ҳарбий вертолётни қайтаришга рози бўлганига оид хабарни рад этди. Гап шундаки, куни кеча қатор нашрлар Ўзбекистон Афғонистонга 57 та ҳарбий вертолётни қайтаришга рози бўлганини ёзганди.

АҚШда президент Доналд Трампнинг таъсирли иттифоқчиси, ўнг қанот фаоли ва шарҳловчиси Чарлз Киркга суиқасд уюштирилди. Жабрланувчи оғир аҳволда шифохонага олиб кетилган. Бироқ кейинроқ АҚШ президенти Дональд Трамп у вафот этганини маълум қилган. Расмийлар буни «сиёсий суиқасд» деб атамоқда, ўқ узган шахс ҳамон қўлга олинмаган.

Араб мамлакатларининг АҚШда ишлаб чиқарилган ҳужумкор ва мудофаа қуролларни ҳеч қачон АҚШ рухсат бермаган ҳолатларда ишлатиб бўлмайди. Уларнинг орасида тиш-тирноғигача юксак технологияли АҚШ қуроллари билан қуролланган давлатларнинг бирортаси Исроилга хавф туғдирмайди.

Бугун Тошкентда ўтаётган “Декларациялар мулоқоти” иккинчи халқаро форумида Адлия вазирлиги ННТ бошқармаси бошлиғи Зикирилла Маҳмудов диний ташкилотлар фаолиятига халал берган ҳар кимсанинг жазоланишини, бу борада Маъмурий жавобгарлик тўғрисидаги Кодексига жавобгарлик киритилганини таъкидлади. Унга кўра, эндиликда давлат органларининг мансабдор шахслари диний ташкилотлар фаолиятига қонунга хилоф равишда аралашса жаримага тортилади.

Қатарда АҚШнинг энг йирик ҳарбий базаси — Ал-Удейд жойлашган. Ана шу стратегик объект жойлашган ҳудудда йирик хорижий махсус операция ўтказилгани АҚШнинг иттифоқчи давлат хавфсизлигини таъминлашдаги ожизлигини кўрсатади. Форс кўрфази давлатлари — Саудия Арабистони ва БАА учун ҳам бу аниқ сигнал: Америка хавфсизлик тизимлари ва ўзаро ёрдам шартномалари яқин иттифоқчилари қаршисида ишламайди.

Домла Исроилни ҳақоратлаганликда айбланмоқда, 156-модда билан “Миллий, ирқий, этник ёки диний адоват қўзғатиш” айби қўйилмоқда. Далиллардан биттаси “лаънати Исроил” деган гапи экан. Нима бўпти, Исроил ҳукуматини – сионларни бугун бутун олам сўкяпти. Ҳатто сўкаётганлар орасида жуҳудлар бор. Исроилнинг ўзида туриб ҳам сўкишяпти. Раввинлари Исроил ҳукуматини “шайтон ҳукумат” деб фатволар чиқарган... Жаҳон халқлари Исроилни ёмонлаб турганда, гўдаклару аёлларни қирғин қилаётганларни ўзбеклар олқишлаши керакми? Биз бунчалар виждонсиз эмасмиз. Орага дин, иймон масаласини қўшмаганда ҳам, инсонийликнинг ҳеч бир қолипига сиғмайди-ку бу иш!

Шахсни тасвирга олиш ва ундан фойдаланиш учун розилик олиш мажбурий этиб белгиланмоқда. Бунда агар розилик шахс муомалага лаёқатсиз бўлган тақдирда, унинг қонуний вакили томонидан, шунингдек, шахс вафот этган тақдирда, агар у ҳаётлиги чоғида розилик бермаган бўлса, унинг ворислари томонидан берилади.

Иккинчи суд мажлисида қатнашган гувоҳлар ҳам қўйилаётган айбловлар учун етарлича далил келтира олишмаган. Дастлабки маълумотларга кўра, шу боис ҳам Устоз Мубашшир Аҳмадга қўйилаётган айбловлар сирасидан "миллатлараро низо қўзғатиш" айблови олиб ташланган. Ўз навбатида гувоҳлардан бирининг даъвоси ҳам бекор қилинган. Афсуски суд мажлиси яна қолдирилиб, 15 сентябрда давом эттириладиган бўлди. Бунга Устозни сўроқ қилишга вақт етмагани сабаб қилиб кўрсатилган.

Қозоғистон президенти Қосим-Жўмард Тўқаев халққа мурожаатида мамлакат парламенти ислоҳ қилинишини маълум қилди. Тўқаевнинг режасига кўра, ҳозирги икки палатали парламент ўрнига бир палатали парламент ташкил этилиши керак.

Миср диаспораси бутун дунё бўйлаб дипломатик ваколатхоналарни тўсиб қўйиш орқали Қоҳиранинг сионистларни қўллаб-қувватлаётганига норозилик билдирмоқда. Ҳаммаси Гаагадаги элчихона дарвозаларини занжирбанд қилган келиб чиқиши мисрлик фаол Анас Ҳабибдан бошланди. Унинг хатти-ҳаракатлари шунга ўхшаш норозилик тўлқинини келтириб чиқарган. Бироқ бундан фаолларнинг Мисрда яшаётган қариндошлари азоб чекмоқда. Сиси бошчилигидаги ҳукумат намойишчиларнинг яқинларини ҳибсга олгани ҳақида маълумотлар бор.