10.10.2025 12:43
179
Трампнинг орзуси ушалмади: Нобель мукофоти бошқа номзодга берилди
Бу йилги Тинчлик бўйича Нобель мукофоти Дональд Трампга берилиши тахмин қилинаётган эди. Бунга сабаб сифатида унинг Арманистон ва Озарбайжонни яраштиргани ҳамда Ғазо келишувидаги фаоллиги тилга олинганди.
Бироқ Тинчлик бўйича 2025-йилги Нобель мукофоти Венесуэла мухолифати етакчиси Мария Корина Мачадога берилди. У Венесуэла халқининг демократик ҳуқуқларини илгари сургани учун ушбу мукофотга лойиқ кўрилди.
Нобель қўмитаси Мачадонинг мамлакатда эркин сайловлар ва фуқаролик ҳуқуқлари учун курашга қўшган ҳиссасини эътироф этган.
Мария Корина Мачадо Венесуэланинг етакчи мухолифат етакчиларидан бири ва президент Николас Мадуронинг фаол танқидчиси сифатида танилган. У бир неча бор сиёсий босимга учраган ва давлат сайловларида қатнашиш ҳуқуқидан маҳрум бўлган, аммо мамлакатда демократик ўзгаришлар учун кампанияни давом эттирган.
