Сўнгги икки йилда Покистоннинг Синд вилоятидаги қамоқхоналардан 4200 дан ортиқ афғон маҳбуслари озод этилди. Маҳбуслар орасида ҳужжатлар йўқлиги сабабли ҳибсга олинган аёллар ва болалар ҳам бор. Бош консул Абдул Жаббор Таҳарийнинг маълумотларига кўра, барча маҳбуслар Афғонистон ҳукумати ҳисобидан мамлакатга депортация қилинган.

Саудия Арабистони валиаҳд шаҳзодаси Муҳаммад бин Салмон АҚШ президенти билан телефон орқали суҳбатда икки мамлакат ўртасидаги савдо ва иқтисодий ҳамкорликни кенгайтириш режаларини муҳокама қилди. Шаҳзода келгусида 600 миллиард долларгача инвестиция киритишни ваъда қилди.

Швейцария прокуратураси Исроил президенти Исаак Герцогга қарши “Ғазо секторида геноцидга чақириш”да айбланган бир неча даъволарни кўриб чиқмоқда. Исроил айбловларни рад этмоқда, уларга кўра, ҲАМАС жангчилари тинч аҳолини тирик қалқон сифатида ишлатган.

АҚШ президенти Дональд Трамп Ҳусийлар гуруҳини террорчи ташкилот сифатида тан олиш ҳақидаги фармонни имзолади. 2021 йилда Байден маъмурияти Ҳусийларни террорчи ташкилотлар рўйхатидан чиқарган эди. Аммо уларнинг Исроилга қарши ҳаракатлари туфайли гуруҳ қайтадан "глобал террорчи ташкилотлар" рўйхатига киритилди.

Марокаш ва Исроил ўртасидаги ҳамкорлик янада чуқурлашмоқда. Марокаш Heron дронларини сотиб олди ва уларни ишлаб чиқарадиган завод қурилишини эълон қилди. 2024 йилда ўзаро товар айирбошлаш ҳажми 53,2 миллион долларга етган.

Қирғизистон парламенти депутати пойтахтни Иссиқкўл вилоятидаги Асман шаҳрига кўчириш таклифини илгари сурди. Унга кўра, бу чора ҳаво ифлосланиши ва тирбандлик муаммоларини ҳал қилишга ёрдам беради. Асман шаҳарини қуриш учун 10 миллиард доллар сармоя жалб қилинган бўлиб, Бишкекдан темир йўлни кўчириш учун қўшимча 550 миллион доллар керак бўлади.

Атиги бир неча соат ичида ёнғин Лос-Анжелеснинг Итон туманини кулга айлантирган даҳшатли ёнғиннинг учдан икки қисми даражасида катталашган.

Ғазо муниципалитетлари иттифоқи раҳбари Яҳё ас-Сарраж 470 кун давом этган Исроил ҳужуми оқибатларини бартараф этиш мақсадида “Ғазони қайта қуриш ва барқарор ривожлантириш” ташаббусини эълон қилди. Ташаббус инфратузилмани тиклаш, иқтисодий ривожланиш ва жамият иштирокини оширишга қаратилган. Исроил ҳужумлари Ғазо инфратузилмасининг 88 фоизини вайрон қилган.

Украинанинг Исроилдаги элчихонаси маълум қилишича, Тел-Авив Ғазо ва Ливанда қўлга киритилган Россияда ишлаб чиқарилган қуролларни Украина ҳукуматига топшириш ташаббусини кўриб чиқмоқда.

Малайзия бош вазири Анвар Иброҳим Давос Иқтисодий Форумида Хитой билан ҳудудий келишмовчиликларга қарамай, яхши қўшничилик муносабатларини сақлаш муҳимлигини қайд этди. Эслатиб ўтамиз, Жанубий Хитой денгизида Пекиннинг даъволари туфайли Малайзия, Вьетнам, Филиппин ва Бруней ўртасида чегара тортишувлари давом этмоқда.