Ушбу ҳалол ресторан шаҳар марказида жойлашгани билан аҳамиятлидир. Овқатланиш муассасаси оилавий форматда ишлайди: бу ерда спиртли ичимликлар таклиф қилинмайди. Лойиҳа асосчиси, тадбиркор Радик Минихановнинг айтишича, ресторан менюсида Қозоғистон, Ўзбекистон, Чеченистон, Татаристон ошхоналарига хос таомлар мавжуд.

Афғонистон Мудофаа вазирлигига тегишли Абдуллоҳ ибн Масъуд номидаги жанговор тайёргарлик марказида 199 нафар Афғонистон фуқароси уч ойлик курсни муваффақиятли якунлади. Курс доирасида танкка қарши гранаталар, миномётлар, M2 пулемёти ва бошқа замонавий қуроллардан фойдаланиш бўйича таълим берилган. Курс битирувчилари учун ўтказилган маросимда бугунги таҳликали замонда динни, ватанни ва қадриятларни ҳимоя қилиш шарафли бурч экани таъкидланган.

27 июнь – Матбуот ва Оммавий ахборот воситалари ходимлари куни. Бу соҳада ижод ва меҳнат қилаётган “Азон Глобал” 2017 йилдан буён Ислом ва мусулмонлар дунёсининг овози бўлиб келмоқда. Бу фаолияти учун босим ва цензуранинг турли кўринишлари остида бўлишига қарамай, ўз сўзини айтишдан чекинмаяпти. Глобал миқёсда ҳам диний нашрлар, етакчилар, ҳақ йўлда қалам тебратаётган ижодкорлар маълум бир қатлам учун “хавф”га айланган.

АҚШ Президенти Дональд Трамп маъмурияти Эрон уранни бойитиш ва ядровий бомба яратишдан воз кечса, унга 30 миллиард доллар миқдорида ёрдам пули ажратишни муҳокама қиляпти. Пуллар АҚШ ҳисобидан эмас, балки араб давлатлари "чўнтаги"дан сарфланади. Олдинроқ, Эрон президенти Масъуд Пезешкиён мисрлик мавқедоши Абдулфаттоҳ ас-Сисига форс давлати ядровий ва ҳатто оддий қуроллардан ҳам воз кечишга тайёрлигини, фақат бунинг учун АҚШ "Исроил"ни Эронга қўшиб бериши кераклигини айтганди.

Сурия ва Туркиянинг қўшма амалиёти натижасида Сурия президенти Аҳмад аш-Шаръга нисбатан режалаштирилган суиқасднинг олди олинди. Разведка маълумотларига кўра, ушбу суиқасд ИШИДнинг юқори лавозимдаги аъзоси томонидан ташкиллаштирилган. У аввалроқ, Асад режими қулаган даврда Ливаннинг "Ҳизбуллоҳ" ташкилоти билан яқин алоқада бўлгани айтилмоқда.

Яқинда Буюк Британия ва унинг иттифоқчилари томонидан Исроилнинг икки юқори лавозимли вазири – Итамар Бен-Гвир ва Бецалель Смотричга қарши жорий қилинган санкциялар кўпчилик томонидан Исроил раҳбариятида кучаяётган экстремизмга қарши муҳим ахлоқий позиция сифатида баҳоланди. Бироқ бу шов-шувли қадам ортида анча ҳисоб-китоб қилинган ва беадаб стратегия ётади. Бу Ғарб давлатларининг Исроилга қарши ҳақиқий жавоби эмас, балки ўзини гўё сионистларнинг ваҳшийликларига қаршидек кўрсатиши, холос. Бу обдон режалаштирилган, чегараланган ва натижаси деярли бўлмаган чоралар кўпроқ бир ҳақиқатни очиб беради: Ғарб ҳукуматлари ўз риторикасига қарамай, Исроилнинг апартеид тизими ва фаластинликларга қарши олиб борилаётган геноцид урушига қарши чиқа олмайди – Муҳаммад Шехада, фаластинлик ёзувчи ва таҳлилчи.

Америкалик собиқ дипломат Чарльз Фриманнинг айтишича, Эронга уюштирилган ҳужум аслида "репетиция" эди. Аввалдан асл нишон – Туркия бўлган. Сионистлар Туркияни йўлидан олиб ташлашмаса, олдинга силжий олмасликларини яхши билишади.

Диндорларимизнинг ҳам бугунги кунда бирламчи масалаларни аниқлашда зиддиятга йўл қўяётганлиги ҳақида

Гага шаҳрида бўлиб ўтган саммитда НАТО давлатлари 2035 йилга бориб мудофаа харажатларини ЯИМнинг 5 фоизигача оширишга келишиб олди. АҚШ президенти Гаагадаги саммитдаги бу қарорни "Европа ва Ғарбий цивилизация учун катта ютуқ" деб атади. Қўшма баёнотда аъзолар турли таҳдидларга, хусусан, Россия ва терроризмга қарши курашда бирлашганликларини таъкидлашган. НАТОнинг 2026 йилги саммити Туркия бўлиши маълум қилинган.

Қозоғистон парламентининг ҳар икки палатаси жамоат жойларида юзни ёпадиган кийим-кечакларни кийишни тақиқловчи қонун лойиҳасини қўллаб-қувватлади. Ушбу ҳужжат президентнинг имзоси учун юборилган.