Ozarbayjon oʻz hududlarida armanlar tomonidan joylashtirilgan minalar soni 1 milliondan oshib ketganini maʻʻlum qildi. 2020 yilda Qorabogʻdagi urush tugaganidan buyon 342 nafar Ozarbayjon fuqarosi mina portlashlaridan jabr koʻrgan, ulardan 65 nafari, jumladan, 3 nafar jurnalist halok boʻlgan.
Isroilning qurilish sohasiga ishchi yollash uchun Oʻzbekistonga borgan delegatsiyasi turli byurokratik toʻsiqlarga uchrab, quruq qoʻl bilan qaytgani aytilmoqda. Isroil Hindiston va Shri-Lankada ham muvaffaqiyatsizlikka uchradi.
Ozarbayjonning Evropa Kengashi Parlament Assambleyasi (PACE)dagi delegatsiyasi tuzilmadagi faoliyatini toʻxtatdi. “Dunyoda hech kim, shu jumladan, bu xonada oʻtirganlar ham Ozarbayjon bilan tahdid va shantaj tilida gapira olmaydi. PACE tarixida hech qachon bu tashkilot oʻzini bunday uyatsiz tutmagan. Evropa Parlament Assambleyasida vujudga kelgan chidab boʻlmas irqchilik, ozarbayjonofobiya va islomofobiya muhitiga qaramasdan, Ozarbayjon delegatsiyasi keyingi xabarnomaga qadar Evropa Parlament Assambleyasidagi oʻzaro hamkorligi va ishtirokini toʻxtatishga qaror qildi”, — deyiladi Ozarbayjon delegatsiyasi bayonotida.
Oʻzbekistonda Ukrainadagi urushga ketishni rejalashtirgan “Vagner” hususiy harbiy kompaniyasi jangarisi Aleksey Xamatxanov “Yollanish” moddasi boʻyicha aybdor deb topilib, 5 yil muddatga qamaldi.
Oʻzbekiston prezidenti Shavkat Mirziyoev 23 yanvarʻ kuni davlat tashrifi bilan Xitoyga bordi. Tashrif davomida muhim uchrashuv va muzokaralar boʻlib oʻtdi. Azon Global ushbu tashrifning eng muhim jihatlarini qisqacha tarzda eʻʻtiboringizga havola etadi.
Turkiya Buyuk Millat Majlisi (GNTA) Bosh Assambleyasida Shvetsiyaning NATOga kirishi haqidagi protokolni ratifikatsiya qilishni maʻʻqullovchi qonun loyihasi qabul qilindi. 346 deputatdan 287 nafari Shvetsiyaning NATOga kirishi haqidagi protokolni ratifikatsiya qilish uchun ovoz berdi.
Qirgʻiziston-Xitoy chegarasida 7 ballik zilzila sodir boʻldi. Uning kuchi Oʻzbekiston va Qozogʻiston shaharlarida ham sezildi.
Toshkentning uchta tumanida atmosfera havosini ifloslantirayotgan 160 ta korxona, jumladan, beton, un va mato-gazlama ishlab chiqaruvchi tsexlar chang-gaz tozalash uskunalarini oʻrnatish boʻyicha ogohlantirildi.
Qozogʻiston rossiyalik teleboshlovchi, rus propagandachisi Tina Kandelakining mamlakatga kirishini taqiqladi. Kandelaki avvalroq Qozogʻiston davlat darajasi rus tilini asta-sekin, lekin ishonch bilan siqib chiqarayotganini yozgan edi.
Turkiya tashqi ishlar vaziri Hoqon Fidan Falastinning HAMAS harakati Siyosiy byurosi raisi Ismoil Haniya bilan uchrashdi. Tomonlar Gʻazo sektorida sulhni tezroq oʻrnatish imkoniyatlari, Falastin anklaviga insonparvarlik yordami hajmini oshirish va mahbuslarni ozod qilish masalalarini muhokama qildi.