Qozogʻiston rossiyalik propagandachining mamlakatga kirishini taqiqladi

Qozogʻiston rossiyalik teleboshlovchi, rus propagandachisi Tina Kandelakining mamlakatga kirishini taqiqladi. Kandelaki avvalroq Qozogʻiston davlat darajasi rus tilini asta-sekin, lekin ishonch bilan siqib chiqarayotganini yozgan edi. Jumladan,

Qozogʻiston rossiyalik teleboshlovchi, TNT telekanali direktori Tina Kandelakining mamlakatga kirishi taqiqladi, deb xabar berdi Qozogʻiston Respublikasi Tashqi ishlar vazirligi rasmiy vakili Aybek Smadiyarov.

“Kimdir sizga yoqmasa, uni uyingizga kiritmaysiz-ku. Biz ham shunday qilamiz. Zarurat tugʻilganida choralar koʻramiz. Buni bugun yoki ertaka qilishimizga majburlamang. Davlat bunday narsani hech qachon kechirmaydi. U (Tina Kandelaki. – tahr.) Qozogʻistonga kelmayotgandir, agar kelsa ham, kiritilmaydi”, - deya taʻʻkidladi Smadiyarov.

Avvalroq Kandelaki oʻzining Telegram-kanalida Qozogʻistonda goʻyoki “rus tilini davlat darajasida sekin-asta, lekin ishonch bilan siqib chiqarishda davom etayotgani” haqida yozgan edi. Uning qoʻshimcha qilishicha, respublika bir nechta temir yoʻl vokzallarining nomini oʻzgartirish va ruscha nomlarni qozoqchaga almashtirish niyatida. Masalan, «Uralsk» bekatini «Oral», «Uzen» stantsiyasini «Janaoʻzen» va hokazolarga almashtirish taklif qilinmoqda.

Kandelakining fikrlari Qozogʻistonda qizgʻin muhokamalarga sabab boʻldi. Jumladan, deputat Maqsat Toliqbay Qozogʻiston aholisining 70 foizdan ortigʻini etnik qozoqlar tashkil etishini va qozoq tili mamlakat tub aholisining katta qismini birlashtirib turishini eslatib oʻtdi.

“Bu insonning shaxsiy fikri. Uning Qozogʻistonga umuman aloqasi bormi? U shu erdamidi? Haqiqatan ham, hech kim hech narsani siqib chiqarmayapti”, — dedi Kandelakining bayonotiga parlament deputati Irina Smirnova.

Mavzuga aloqador

Eng ko‘p o‘qilgan

Tavsiya qilingan

Reklama