Bugun Konstantinopol fath etilgan kun: hijriy 857, milodiy 1453 yil yigirma oltinchi robiul-avvaldan boshlab Muhammad Fotih shaharni qamal qildi va nihoyat, biz xotiralab turgan ayni shu kunda, aniqroq aytganda, yigirma uchinchi jumodul-avval erta tongda shaharni fath qilishga muvaffaq boʻldi. Yaъni, qamal ikki oyga yaqin davom etdi. Muhammad Fotih shaharga zafar bilan kirib borgach, tulporidan tushib, shu ishga muvaffaq aylagani uchun Allohga sajda qilib, shukrona aytgani tarix zarvaraqlariga muhrlandi. Shundan soʻng u Ayo Sofiya cherkoviga bordi. Vizantiya xalqi va rohiblari cherkovga toʻplanib olishgan edi. Muhammad Fotih ularga omonlik berdi va Ayo Sofiya cherkovini masjidga aylantirishga amr qildi. Birinchi juma namozida fath xutbasi oʻqildi.

Iso Masihdan keyin Pyotr Quddusda vaъzlar aytib davom ettirdi, soʻng Antakiya va Rimga bordi. Rimda missionerlik ishlarini olib borib turganida hukumat tomonidan ushlanib, xochga mixlab oʻldirildi. Shu voqeadan soʻng Rimdagi nasroniylar uni maъnaviy etakchi sifatida qabul qilishdi. Papalik tushunchasi aynan shu asosda shakllandi. Keyingi barcha papalar Pyotrning vorisi deb hisoblandi.

Buyuk Saljuqiylar davrida davlat boshqaruvi uchun saroy mavjud boʻlsa-da, sultonlar koʻpincha koʻchmanchi hayot tarzini davom ettirganlar. Shu bois Ramazon oyi qaysi faslga toʻgʻri kelishiga qarab joylashish rejasi tuzilgan.

Bashar Asad rejimining qulashi Tolibon hukmronligi hamda Afgʻonistonning Ashraf Gʻani hukumatining kutilmaganda va tez qulab tushishiga oʻxshab ketadi. Tolibon Qobulni bir hafta ichida egallaganidek, HTSh ham tez surъatda hududiy yutuqlarga erishdi. Bu voqealar 1990-yillarda Afgʻonistonda mujohidlar guruhlari tomonidan Najibulloh rejimining agʻdarilishini yodga soladi.

Falastin fojiasi ildizlari haqida soʻz borganda, koʻpchilik 1948 yildagi yuz minglab falastinliklar oʻz vatanlaridan majburan koʻchirilgan Nakba ("Fojia") hodisasiga eʻʻtibor qaratadi. Boshqalar 1917 yildagi mashhur Balfur deklaratsiyasini tarixiy Falastinda sionist davlat barpo etish uchun zamin yaratgan muhim nuqta sifatida taʻʻkidlaydilar. Biroq deklaratsiya imzolanganidan ikki yil oʻtgach, koʻpchilikka unchalik maʻʻlum boʻlmagan, ammo juda ahamiyatli voqea yuz berdi: 1919 yil 3 yanvarʻ kuni Faysal-Vayzman bitimi imzolandi.