Turkiy dunyo
-
Afgʻonistonda oʻzbek haydovchilaridan undiriladigan yigʻim va toʻlovlar jami taxminan 99 dollarga kamaytirildi. Ushbu toʻlovlar yuk avtomobilining Afgʻoniston hududiga kirishi va Amudaryo koʻprigidan oʻtish uchun belgilandi.
-
Oʻzbek marshali Abdul Rashid Doʻstum Afgʻonistonga qaytish niyati borligini maʻʻlum qildi. Uning Tolibonga qarshilikni qayta tashkil etish hamda Afgʻonistonni ozod qilishni rejalashtirayotgani maʻʻlum qilindi.
-
Sudanda Tezkor qoʻllab-quvvatlash kuchlari (RSF) Shimoliy Darfurning Malha hududida Sudan armiyasi tomonidan bombardimonchi sifatida foydalanilayotgan samolyot urib tushirilganini maʻʻlum qildi. Biroq qoldiqlar Il-76 samolyotiga tegishli boʻlib, ekipaj aʻʻzolaridan biri BAAda joylashgan Qirgʻizistonga aloqador Airline Transport Incorporation FZC kompaniyasi guvohnomasi boʻlgan.
-
Qirgʻiziston poytaxti Bishkek shahridagi savdo markazida Isroilni qoʻllab-quvvatlayotgan kompaniyalarga qarshi norozilik namoyishi oʻtkazgan 29 kishi qoʻlga olingani aytilmoqda. Ular “boykot” chaqirigʻi yozilgan yozuvlarni koʻtarib, yoʻlak va zinalarga qizil boʻyoq toʻkkan.
-
-
AQShning Pensilʻvaniya shtatidagi kasalxonalardan birida Turkiya 2016 yil iyuldagi davlat toʻntarishiga urinish tashkilotchisi sifatida ayblab kelayotgan FETO etakchisi, voiz Fathulloh Gyulen 83 yoshida vafot etdi. Anqara bir necha bor oʻzining NATOdagi ittifoqchisi AQShdan Gyulen ekstraditsiyasini talab qilgandi.
-
Oxirgi uch yil ichida Litvaga kelayotgan markaziy osiyolik muhojirlar soni 14 barobar oshdi. Litva Davlat xavfsizlik departamenti rahbari Daryus Yaunishkis hozircha jiddiy xavotirlar uchun asoslar yoʻqligi, biroq Gʻarbga qarshi kayfiyat kuchayotganini taʻʻkidladi.
-
Fargʻona viloyatidagi maktablardan birining 11-sinfida tahsil oluvchi qiz Microsoft kompaniyasining yoshlarga moʻljallangan Microsoft Learn Student dasturi ambassadori – ramziy elchisi boʻldi. U kompaniya tomonidan bir yil davomida berilgan texnik vazifa va shartlarni, jumladan, sunʻʻiy intellekt boʻyicha 30 ta moduldan iborat dars va topshiriqlarni bajardi.
-
Rossiya 17 oktyabrdan boshlab Qozogʻistondan bugʻdoy, yasmiq, pomidor, qalampir va poliz mahsulotlarini olib kirishga vaqtinchalik cheklovlar kiritdi. Rosselxoznadzor mazkur qaror “Qozogʻiston vakolatli idoralari tomonidan Rossiya hududining fitosanitar xavfsizligini taʻʻminlash choralari koʻrilmagani sababli” qabul qilinganini bildirdi.
-
Toshkentda boʻlib oʻtgan biznes-forumda Quvayt kompaniyalariga Oʻzbekistondagi mingdan ortiq davlat korxonalarini xususiylashtirish dasturida ishtirok etish, shuningdek, Oʻzbekiston logistika infratuzilmasini rivojlantirishda qatnashish imkoniyatlarini koʻrib chiqish taklif qilindi. Konchilik, energetika, toʻqimachilik, qishloq xoʻjaligi va sogʻliqni saqlash kabi sohalarda hamkorlikni rivojlantirish imkoniyatlari ham muhokama qilindi.