Boku: armanlar Ozarbayjon hududlariga 1 milliondan ortiq mina joylashtirgan

Ozarbayjon oʻz hududlarida armanlar tomonidan joylashtirilgan minalar soni 1 milliondan oshib ketganini maʻʻlum qildi. 2020 yilda Qorabogʻdagi urush tugaganidan buyon 342 nafar Ozarbayjon fuqarosi mina portlashlaridan jabr koʻrgan, ulardan 65 nafari, jumladan, 3 nafar jurnalist halok boʻlgan.

Ozarbayjon hududlarida armanlar tomonidan qoʻyilgan minalar soni 1 milliondan oshib ketdi, deb xabar bermoqda respublika TIV matbuot xizmati.

Qayd etilishicha, TIV Armaniston Milliy xavfsizlik xizmatining 2024 yil 25 yanvardagi Ozarbayjonga minalar xaritalarini berish niyati haqidagi bayonotini inobatga olgan.

Taʻʻkidlashicha, Ozarbayjon tomoni Armanistondan 2020 yilgi Qorabogʻ urushi oldidan ham, mojarodan keyingi davrda ham minalar xaritalarini taqdim etishni bir necha bor talab qilgan.

“2020 yil 10 noyabrda uch tomonlama deklaratsiya imzolangandan soʻng, Armaniston dastlab inkor etgan, keyin esa xalqaro bosim natijasida taqdim etilgan minalar xaritalarining kichik bir qismida aniqlik bor-yoʻgʻi 25 foizni tashkil etgani maʻʻlum boʻldi. Berilgan xaritalarning foydasiz, toʻliq emas va real vaziyatni aks ettirmasligini bir necha bor taʻʻkidlaganmiz. Garchi bu xaritalar bizning hududlarimizda koʻmilgan 400 ming mina borligini koʻrsatsa-da, aslida minalar soni 1 milliondan oshadi”, — deyiladi TIV xabarida.

Qoʻshimcha qilinishicha, soʻnggi yillarda mina portlashlarining 55 foizdan ortigʻi Armaniston taqdim etgan xaritalardan tashqarida sodir boʻlgan.

Tashqi ishlar vazirligi 2020 yilda Qorabogʻdagi urush tugaganidan buyon 342 nafar Ozarbayjon fuqarosi mina portlashlaridan jabr koʻrganini, ulardan 65 nafari, jumladan, 3 nafar jurnalist halok boʻlganini eslatdi. Halok boʻlgan 65 kishidan 50 nafari tinch aholi vakili hisoblanadi.

Rossiya tinchlikparvar kuchlari vaqtincha joylashtirilgan Ozarbayjon hududlarida va bu hududlar perimetri boʻylab 2020 yildan keyin ham Armaniston yangi minalarni oʻrnatish fakti mavjud.

“Maʻʻlumki, bu erda 500 mingdan ortiq mina oʻrnatilgan. Shu bilan birga, bu Armaniston soʻnggi oʻn yilliklarda goʻyoki mina ishlab chiqarmagan yoki eksport qilmagani haqidagi bayonotlar asosga ega emasligini koʻrsatdi”, — deyiladi vazirlik xabarida.

TIVning taʻʻkidlashicha, Armaniston bayonoti ushbu davlatning niyati insonparvarlik jarayonini ilgari surish emasligini koʻrsatadi va bu qadam ishonchni mustahkamlash chorasi sifatida baholanishi mumkin emas.

“Ozarbayjon tomoni Armanistondan Ozarbayjonga toʻliq taqdim etilmagan barcha minalangan hududlarning aniq xaritalarini taqdim etishini kutmoqda. Bundan tashqari, Armaniston soʻnggi 30 yil ichida bedarak yoʻqolgan 4 mingga yaqin ozarbayjonliklarning taqdiri, shuningdek, ozarbayjonliklar dafn etilgan ommaviy qabrlar haqida maʻʻlumot berish uchun shoshilinch choralar koʻrishi kerak”, — deyiladi TIV bayonotida. 

Mavzuga aloqador

Eng ko‘p o‘qilgan

Tavsiya qilingan

Reklama