Bombalanayotgan Gʻazo: 357-kunning asosiy voqealari
Isroil Gʻazo sektorida bosqinchilik va qirgʻinbarot urushini boshlaganiga 357 kun boʻldi. 24 soat davomida Gʻazo sektori, Iordan daryosining Gʻarbiy sohili hamda butun Yaqin Sharq hududida sodir boʻlgan asosiy voqealar.
▪️Bosqinchilar Rafah va Jabaliya va Nuseyrat lagerlariga hujum qildi. 24 soat ichida 36 kishi vafot etdi. Urush boshlanganidan buyon 41534 kishi shahid boʻldi.
▪️Bosqinchilar Jabaliya lageridagi muhojirlar uchun Al-Faluja maktabiga hujum qilishdi. 17 kishi halok boʻldi, oʻnlab kishilar yaralandi. Al-Aqsa kasalxonasidagi chodirlarga ham zarba berildi.
▪️Hizbulloh 11 ta harbiy amaliyot oʻtkazdi. Rafael harbiy majmuasi, Dadu bazasining qoʻmondonlik shtab-kvartirasi, Jalila diviziyasi va uning Amiadadagi omborlari, Samson bazasi hujumga uchradi. Safadga 80 ta raketa, Kiryat Ataga 50 ta raketa otilgan.
▪️Isroilning Livan shaharlariga uyushtirgan hujumlarining toʻrtinchi kunida 92 kishi halok boʻldi, 153 kishi yaralandi. Shahidlarning umumiy soni 700 kishidan oshdi.
▪️Tel-Avivda Yamandan ballistik raketa uchirilgandan soʻng 2 milliondan ortiq kelgindilar bombapanohlarga yashirindi. Hujum va talotoʻplarda 17 ta bosqinchi jarohatlandi.
▪️Norvegiya: Falastinliklarga iqtisodiy yordamni kuchaytirish kerak. Hozirda Falastin davlatini yaratishga qaratilgan keng xalqaro koalitsiya mavjud.
▪️Saudiya Tashqi ishlar vazirligi Falastin davlatini yaratish boʻyicha xalqaro koalitsiya tuzilganini eʻʻlon qildi.
Mavzuga aloqador
-
BMT Isroilni "qurolli toʻqnashuv zonalarida bolalarga zarar etkazadigan" davlatlar va tashkilotlarning qora roʻyxatiga kiritishga qaror qildi. Ushbu roʻyxatdan Rossiya va terrorchi tashkilotlari IShID, Al-Qoida va Boko-Haram qoʻporuvchi tashkilotlari ham oʻrin olgan. Ayni paytda Gʻazoda Isroil hujumlari natijasida har 10 daqiqada bir bola halok boʻlmoqda yoki jarohatlanmoqda.
-
Hindistonda asosan musulmonlar yashaydigan Afgʻoniston, Bangladesh va Pokistonda diniy taʻʻqiblar tufayli Hindistonga qochib ketgan hindular, parsilar, sikxlar, buddistlar, jaynlar va nasroniylarga fuqarolikni berishni koʻzda tutuvchi qonun qabul qilindi. Ushbu hujjat shimoli-sharqiy shtatlardagi musulmonlarni fuqarolikdan chiqarish uchun ham ishlatilishi mumkin.
