Oʻzbekiston, Qozogʻiston va Turkmaniston Bishkek IESdagi avariya boʻyicha Qirgʻizistonga yordam berishini maʻʻlum qildi. Jumladan, Oʻzbekiston Oʻshga suyultirilgan gaz ballonlarini etkazib berdi.
Britaniya Rossiyaga qarshi sanktsiyalar chetlab oʻtilayotgani sababli Janubiy Kafkaz va Markaziy Osiyo, jumladan, Oʻzbekistonda moliyaviy razvedkani kuchaytirish niyatida, deya yozmoqda frantsuz maxsus xizmatlariga aloqador Intelligence Online nashri.
Ozarbayjon prezidenti Ilhom Aliev Frantsiyani Armanistonga harbiy koʻmak koʻrsatish orqali mintaqadagi keskinlikni oshirishga hissa qoʻshishda aybladi.
Turkiyada xususiy detektivlar orqali Isroil razvedka xizmati – MOSSADga maʻʻlumot sotgan etti nafar gumondor qoʻlga olindi. Ular biografik maʻʻlumotlar, foto-video hujjatlar toʻplash, jonli kuzatish va nishonlarga qarshi kuzatuv moslamalarini joylashtirish kabi faoliyatlarni amalga oshirgan.
Qirgʻiziston prezidenti Sadir Japarov “Qirgʻiziston Respublikasining Mahkumlarni topshirish toʻgʻrisidagi konventsiyaga qoʻshilishi toʻgʻrisida”gi qonunni imzoladi. Qonun Qirgʻiziston fuqarosi hisoblangan mahbuslarni keyingi jazo muddatini oʻz mamlakatida oʻtashiga asos boʻlib xizmat qiladi.
2023 yilda Turkiyaga 57 milliondan koʻproq (+11,1%) sayyoh tashrif buyurdi. Turizmdan tushgan daromad esa 54,31 milliard dollarni (+16,9%) tashkil etdi.
2024 yilda Rossiya neftini Qozogʻiston hududi orqali Oʻzbekistonga etkazib berish hajmi rejalashtirilgan 500 ming tonnadan 550 ming tonnagacha oshiriladi.
Rossiya prezidentining xalqaro masalalar boʻyicha yordamchisi Yuriy Ushakov fevralʻ oyida Vladimir Putinning Turkiyaga tashrifiga tayyorgarlik koʻrilayotganini maʻʻlum qildi. U Ukraina mavzusi muzokaralarning asosiy mavzusi boʻlishini aytdi.
Oʻzbekiston prezidenti Shavkat Mirziyoev dushanba kuni boʻlib oʻtgan yigʻilishda qurilishni «korruptsiyadan xoli sohaga»ga aylantirish boʻyicha chora-tadbirlarni maʻʻlum qildi. Jumladan, mutasaddilarga eskirgan 105 ta qurilish normalarini ilgʻor xorijiy tajriba asosida qayta ishlab chiqish topshirildi.
Istanbulning Sarier tumanidagi Santa Maria katolik cherkoviga niqobli ikki qurollangan shaxs hujum qilishi oqibatida bir kishi halok boʻldi. Hujum ortidan 47 kishi, jumladan, ikki nafar xorijlik – Rossiya va Tojikiston fuqarolari qoʻlga olingan.