Qozogʻiston prezidenti Qasim-Jomart Tokaev Vatikanda katoliklarning diniy etakchisi - Rim papasi Frantsisk bilan uchrashdi. Rim papasi Qozogʻiston prezidentiga tinchlik va barqarorlikka qoʻshgan hissasi uchun minnatdorchilik bildirdi, Qasim-Jomart Tokaev esa Qozogʻistonda Markaziy Osiyodagi eng yirik katolik jamoati istiqomat qilishini aytdi.
Istanbulda Turkiya prezidenti Rejep Tayyip Erdogʻan ishtirokida Imom Termiziyning “Sunan” asarini xatm qilgan yosh olimlarga muhaddis Shayx Muhammad Avvoma tomonidan maxsus ijozalar taqdim etildi. Marosimda Musulmonlar idorasi, Din ishlari boʻyicha qoʻmita rahbarlari va boshqa Oʻzbekiston vakillari ham qatnashdi.
Turkiyaning Baykar Yönetim aviasozlik kompaniyasi boshqaruvi raisi Selchuk Bayraktar Fergani Uzay (Fargʻoniy koinot) loyihasi doirasida ilk sunʻʻiy yoʻldosh 2024 yilda kosmosga uchirilishini maʻʻlum qildi.
Qozogʻiston parlamenti mamlakat harbiy xizmatchilarining Yaqin Sharq va Janubiy Sudandagi BMT tinchlikparvar missiyasida ishtirok etishini maʻʻqulladi. Unga koʻra, 430 nafargacha boʻlgan qozogʻistonlik harbiylar, jumladan maxsus boʻlinma xizmatchilari Suriya, Falastin, Isroil va Sudan hududlariga yuboriladi.
Oʻzbekiston prezidenti Shavkat Mirziyoev Xitoy Xalq Respublikasi raisi Si Tszinʻpinning taklifiga binoan 23-25 yanvarʻ kunlari davlat tashrifi bilan ushbu mamlakatda boʻladi.
SpaceX kompaniyasining Dragon kapsulasini Xalqaro kosmik stantsiyaga (XKS) olib boradigan Falcon 9 raketasi mahalliy vaqt bilan 16:49 da uchirildi. Unda Turkiyaning ilk kosmonavti Alper Gezeravji ham bor.
Ozarbayjon parlamenti Frantsiya Senatining Bokuga qarshi sanktsiyalarni oʻz ichiga olgan qarorga javoban, Tashqi ishlar vazirligiga Frantsiyaning mustaqillik daʻʻvo qiluvchi Kanaka, Maoxi Nui va Korsika hududlari suverenitetini tan olish choralarini koʻrish topshirdi.
SpaceX kompaniyasining Axiom-3 missiyasini Xalqaro kosmik stantsiyaga olib chiqishi kerak boʻlgan Falcon 9 raketasi parvozi bir kunga qoldirildi.
Boshqirdistonda Fail Alsinov ekstremizmda ayblanib 4 yilga qamalishi ortidan minglab mahalliy aholi norozilik bildirib chiqdi. Politsiya va fuqarolar oʻrtasida toʻqnashuvlar kelib chiqdi, aholiga qarshi koʻzdan yosh oqizuvchi gaz va shovqinli granatalardan foydalanildi. Fail boshqird tilidagi nutqlaridan birida markaziy osiyoliklarni «kara xalyk» deb atab, ularning oʻz yurtlariga ketishlarini talab qilgan.
Turkiyaning ilk astronavti Alper Gezeravji 18 yanvarga oʻtar kechasi uchinchi Axiom (Ax-3) tijoriy missiyasi tarkibida Xalqaro kosmik stantsiyaga parvoz qiladi.