Xalqaro sud G‘azo sektorida insoniyatga qarshi jinoyat sodir etishda ayblangan Isroil bosh vaziri Binyamin Netanyaxu va mudofaa vaziri Yoav Galantga nisbatan yakuniy hukm e’lon qilinishini kechiktirdi. Bunga Britaniyaning ushbu masala bo'yicha Xalqaro sud yurisdiktsiyasiga qarshi arizasi sabab bo'lgan.

Polʻsha rasmiylari armiyaga chaqiruv va aholini Rossiya bosqiniga tayyorlash boʻyicha maxsus dasturni ishga tushirdi. Unga koʻra, polyaklarga "taʻʻtilni armiya bilan birga oʻtkazish" taklif etiladi. Hukumat shu yoʻl bilan armiyani yollanma askarlar bilan toʻldirmoqchi. Ayni paytda yozgi kurslarda qatnashmoqchi boʻlganlar 200 mingga yaqin boʻlib, ular zaxiradagi askarga aylanadi.

Rossiya parlamenti spikeri Vyacheslav Volodin tergov qoʻmitasi rahbari Aleksandr Bastrikinning soʻzlarini tanqid qildi. Gap shundaki, u Sankt-Peterburg xalqaro yuridik forumida yigʻilganlarga murojaat qilib, migratsiya siyosatini qattiqlashtirish borasida qachon tuzukroq qonunlar ishlab chiqilishini soʻragan. U ushbu murojaatida "Gosduma" oʻrniga "Gosudarstvennaya dura" (Hokimiyatdagi ahmoqlar maʻʻnosida) soʻzlarini ishlatgan. Maʻʻlumot uchun, yigʻilishda Bastrikin Rossiya fuqaroligini olgan 30 mingdan ortiq "muhojir" aniqlangani, ulardan 10 ming nafari allaqachon frontga joʻnatilganini ham qoʻshimcha qilgandi.

Qirgʻiziston prezidenti Sadir Japarov "Xitoy – Qirgʻiziston – Oʻzbekiston" temir yoʻli qurilishi loyihasini amalga oshirish toʻgʻrisidagi bitimni ratifikatsiya qilish haqidagi qonunni imzoladi. Yangi temir yoʻl Evroosiyo kontinental koʻprigining janubiy tarmogʻiga aylanadi va Janubi-Sharqiy, Gʻarbiy Osiyo hamda Yaqin Sharq bozorlariga, jumladan Turkiya va undan keyin Evropa Ittifoqiga chiqishga yoʻl ochadi.

Sunniy kurdlar partiyasi HÜDA-PAR Turkiya parlamentiga Isroildagi urushda qatnashayotgan mamlakat pasportiga ega barcha yahudiylarni fuqarolikdan mahrum etish haqidagi qonun loyihasini taqdim etdi. Maʻʻlum boʻlishicha, Turkiya fuqarosi boʻlgan 4 ming yahudiy nafaqat Isroilda harbiy xizmatni oʻtagan, balki Gʻazoga borib, begunoh falastinliklarni qirgʻin qilishda qatnashgan. Aniqlanishicha, ularning aksariyati ishgʻolchi davlatga Turkiyadan emas, balki uchinchi davlatlar orqali oʻtgan. Qotillar oʻzlarini fosh qilmaslik uchun turli ismlardan foydalangan.

Isroil Gʻazo sektorida bosqinchilik va qirgʻinbarot urushini boshlaganiga 265 kun boʻldi. 24 soat davomida Gʻazo sektori, Iordan daryosining Gʻarbiy sohili hamda butun Yaqin Sharq hududida sodir boʻlgan asosiy voqealar.

Rossiya Tergov qoʻmitasi rahbari Aleksandr Bastrikin mamlakatda oʻtkazilgan reydlar davomida RF fuqaroligini olgan 30 ming muhojir (ular begonalarni fuqarolik olsa ham oʻziniki hisoblashmaydi) aniqlangani, 10 ming RF fuqaroligiga ega muhojir Ukrainadagi urushda qatnashganini maʻʻlum qildi.

Harbiylarning isyonidan xabar topgan Boliviya prezidenti xalqdan yordam soʻradi. Shundan soʻng tinch aholi kuch ishlatar tizimlarga qarshi norozilik bildirib, koʻchaga chiqdi. Poytaxtda harbiylar va tinch aholi oʻrtasida toʻqnashuv yuz bergan. Xalq bilan qarama-qarshilikka borishni istamagan armiya guruhlari oʻz pozitsiyalarini tark eta boshlagan. Bundan unumli foydalangan Boliviya maxsus operatsion kuchlari esa toʻntarish tashkilotchisi, oldinroq qoʻmondonlikdan boʻshatilgan Xuan Xose Sunigani hibsga olgan.

Fryazino (Moskvadan 20 km uzoqlikda joylashgan shahar) dagi musulmonlar namozxonasida portlash sodir etildi. Portlash uchun javobgarlikni rus neonatsistlari tashkiloti – "Manʻyaklar" (MKU) guruhi oʻz zimmasiga oldi.

Rossiya Bosh prokuraturasining Federal xavfsizlik, millatlararo munosabatlar, ekstremizm va terrorizmga qarshi kurashish toʻgʻrisidagi qonunlar ijrosini nazorat qilish boshqarmasi prokurori Dmitriy Vagurin jamiyatda chet ellik va muhojirlarga nisbatan nafrat sunʻʻiy ravishda qoʻzgʻatilayotgani va bu mamlakatning barbod boʻlishiga olib kelishi mumkinligini taʻʻkidladi. Shuningdek, u Markaziy Osiyodan kelgan muhojirlarni biznes sohalarini egallab olish, Rossiya iqtisodiyoti va oʻziga xosligiga zarar etkazishda aybladi.