Japarov "Xitoy – Qirgʻiziston – Oʻzbekiston" temir yoʻli qurilishi boʻyicha qonunni imzoladi
Qirgʻiziston Respublikasi prezidenti Sadir Japarov 2024 yil 6 iyunʻ kuni Pekinda imzolangan "Xitoy – Qirgʻiziston – Oʻzbekiston" temir yoʻli qurilishi boʻyicha strategik loyihani amalga oshirish toʻgʻrisida"gi bitimni ratifikatsiya qilish haqidagi qonunni imzoladi. Bu haqda davlat rahbari matbuot xizmati xabar berdi.
Prezident maʻʻmuriyati qonunning maqsadi uch davlat oʻrtasidagi bitim kuchga kirishi uchun zarur boʻlgan ichki davlat tartib-qoidalarini amalga oshirishdan iborat ekanligini taʻʻkidladi.
Hujjatga muvofiq, Qirgʻiziston, Xitoy va Oʻzbekiston temir yoʻl loyihasini amalga oshirish uchun Qoʻshma loyihaviy kompaniya (QLK) tuziladi. Loyihani amalga oshirish uchun ustav kapitalidagi ulushlar uch mamlakat oʻrtasida taqsimlanadi: Xitoyga ulushning 51 foizi, Qirgʻiziston bilan Oʻzbekistonga esa 24,5 foizdan tegadi.
Shartnomada temir yoʻl yoʻnalishi "Qoshgʻar - Toʻrugʻart - Maqmal - Jalolobod - Andijon" shaklida koʻrsatilgan.
Avvalroq loyiha qiymati 4,7 milliard dollarga baholanagan edi. Qirgʻiziston Vazirlar Mahkamasi rahbari Oqilbek Japarovga koʻra, temir yoʻlning qurilishi joriy yilning avgustidan boshlanadi.
.png)
Mavzuga aloqador
-
Anorbank hamda Xususiy sektorni rivojlantirish boʻyicha Islom korporatsiyasi Oʻzbekistonda birinchi Islom bankini tashkil etish loyihasini hamkorlikda amalga oshirishga kelishib oldi.
-
Oʻzbekiston musulmonlari idorasi Oʻzbekistonda Ramazon oyining birinchi kuni 11 mart sanasiga toʻgʻri kelishini maʻʻlum qildi. Turkiya davlatlar ulamolari fiqhiy qoidalarga tayangan holda falakiy hisob-kitob va astronomik kuzatuvlarni eʻʻtiborga olib bu haqda yakdil qarorga keldi.
