Chet ellik va muhojirlarga qarshi nafrat Rossiyani barbod qilishi mumkin

Rossiya Bosh prokuraturasining Federal xavfsizlik, millatlararo munosabatlar, ekstremizm va terrorizmga qarshi kurashish toʻgʻrisidagi qonunlar ijrosini nazorat qilish boshqarmasi prokurori Dmitriy Vagurin jamiyatda chet ellik va muhojirlarga nisbatan nafrat sunʻʻiy ravishda qoʻzgʻatilayotgani va bu mamlakatning barbod boʻlishiga olib kelishi mumkinligini taʻʻkidladi. Shuningdek, u Markaziy Osiyodan kelgan muhojirlarni biznes sohalarini egallab olish, Rossiya iqtisodiyoti va oʻziga xosligiga zarar etkazishda aybladi.

Jamiyatda xorijlik va muhojirlarga nisbatan nafrat sunʻʻiy ravishda kuchaytirilmoqda. Bu Rossiya Federatsiyasining rivojlanishini sekinlashtirish va uni yoʻq qilish maqsadida qilinmoqda. Bu haqda RF Bosh prokuraturasining Federal xavfsizlik, millatlararo munosabatlar, ekstremizm va terrorizmga qarshi kurashish toʻgʻrisidagi qonunlar ijrosini nazorat qilish boshqarmasi prokurori Dmitriy Vagurin maʻʻlum qildi.

"Migrantlarning qolishlari bilan bogʻliq koʻplab asosli xavf va qoʻrquvlar bilan birgalikda, radikal fikrli shaxslar koʻpincha chet elliklarga nisbatan sunʻʻiy ravishda nafrat uygʻotadi, ayrim odamlarning salbiy harakatlarini butun bir xalq uchun xatti-harakatlar namunasi sifatida koʻrsatadi", - dedi rasmiy oʻzining Jamoatchilik palatasida zamonaviy ekstremizm tendentsiyalari va xavf-xatarlari mavzusidagi nutqida.

Vagurin Telegram kanallarida irqchilik va millatchilik mazmunidagi chiqishlar oshib borayotganini taʻʻkidladi. Uning soʻzlariga koʻra, ularda xorijliklarga oid juda koʻp salbiy axborot xabarlari chop etilmoqda.

"Bu mamlakat aholisini boʻlish, xalqlar oʻrtasida adovat urugʻini ekish va oxir-oqibat Rossiyaning rivojlanishini sekinlashtirish va hatto uni yoʻq qilish uchun qilinmoqda", - dedi RF Bosh prokuraturasi vakili.

Rasmiy, shuningdek, Markaziy Osiyo davlatlaridan kelgan muhojirlar Rossiya biznesiga zarar etkazayotgani va Rossiya oʻziga xosligiga putur etkazayotganini aytdi: “Aslida migrantlar anklavlar tashkil qiladi, biznes sohalarini egallab oladi va oxir-oqibatda nafaqat mamlakat iqtisodiyotiga zarar etkazadi, balki oʻzligimizni ham yoʻqotamiz”.

“Soʻnggi yillarda keluvchilar tarkibi keskin oʻzgardi, aksariyat muhojirlar Markaziy Osiyoning qoʻshni respublikalaridan kelishmoqda. Koʻp sonli muhojirlar, har yili plyus-minus 15 million kishi, asosan tegishli taʻʻlim va madaniyat darajasiga ega boʻlgan mehnat muhojirlari, ularning koʻplari hatto rus tilini minimal darajada bilishmaydi, chunki SSSR parchalanishi bilan ularning vatanlarida bu tilni oʻrganishni toʻxtatib qoʻyishgan”, - deya qoʻshimcha qildi prokuror.