Исроилнинг ҳарбий харажатлари 2023 йил 7 октябргача ойига 1,8 млрд долларни ташкил этган бўлса, ўтган йил охирида бу кўрсаткич 4,7 млрд долларга етган. Айни пайтда эса кунига 131 млн доллардан зиёд маблағ сарфланмоқда. Шунингдек, Исроилнинг “Хизбуллоҳ” етакчиси ва унинг амакиваччасини ўлдиришга қанча сарфлангани маълум бўлди.

Яқинда Исроил телеканалининг 12-канали Синвар аллақачон ўлимига тайёргарлик кўриб, издошларига бир қанча кўрсатмалар қолдирганини маълум қилди. Биз имкон қадар Яҳё Синварнинг қаламига мансуб васиятни таржима қилиб, эътиборингизга ҳавола этмоқдамиз.

Ўзбекистон президенти Шавкат Мирзиёев Қозондаги БРИКС саммити доирасида Туркия президенти Режеп Таййип Эрдоған билан учрашув ўтказди.

Анқарадаги Туркия Туркия авиация ва космик саноати заводи (TUSAŞ) кириш қисмида портлаш содир бўлди. Туркия ички ишлар вазири ҳодисани қўпорувчилик ҳаракати деб атаб, қурбонлар ва ярадорлар борлигини маълум қилди.

Қозоғистон-Ўзбекистон чегарасида бож олинмайдиган махсус савдо зонаси ташкил этилиши мумкин. Самарқандда бўлиб ўтган ҳудудлараро форумда Манғистау вилояти ҳокими ушбу таклифни илгари сурди. Шунингдек, Манғистау ва Ўзбекистонни боғлайдиган автомобиль йўли қурилаётгани маълум қилинди.

Американинг Starbucks қаҳвахоналар тармоғининг глобал савдоси жорий йил июль-сентябрь ойларида 7 фоизга камайди, сотувлар кетма-кет учинчи чоракдан буён пасаймоқда. Шу билан бирга, ҳар бир акциядан тушган даромади ҳам ўтган йилнинг шу даврига нисбатан 25 фоизга камайган.

Исроил Ғазо секторида босқинчилик ва қирғинбарот урушини бошлаганига 383 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар.

Еврокомиссия томонидан Европа Иттифоқига аъзо 27 давлатдан 26 мингга яқин киши ўртасида ўтказилган сўров натижаларига кўра, қатнашувчиларнинг 21 фоизи ўтган йил давомида камситилгани ёки ҳақоратланганини маълум қилган. Тери ранги, этник келиб чиқиши, ёши ва ижтимоий-иқтисодий ҳолатига кўра камситиш ҳолатлари энг кўп Нидерландияда, эътиқодига кўра камситишлар эса Францияда қайд этилган. Бу борада Швеция, Бельгия ва Кипр ҳам юқори ўринларда.

Ливан жанубида сўнгги 24 соат ичида содир бўлган тўқнашувларда камида 25 та исроиллик аскар яраланди. Шунингдек, бир қанча қурбонлар бор, жумладан, “Ҳизбуллоҳ” билан тўқнашув натижасида Исроил армиясининг захирадаги майори, 228-“Алон” бригадасининг 9308-батальони қўмондони ўринбосари Авирам Хариб ҳамда 7338-“Адирим” артиллерия полкидан 27 ёшли Саъар Элиад Наварски ўлган.

БМТ Аҳолишунослик жамғармаси маълумотларига кўра, 2014 йилдан бери Украина аҳолиси тахминан 10 миллион кишига камайди (фақат 2022 йилдан сўнг – 8 миллионга). Жумладан, 6,7 миллион киши қочқин сифатида хориж мамлакатларига чиқиб кетди. Шунингдек, уруш пайтида камида 11973 нафар тинч аҳоли ҳалок бўлган.