Еврокомиссия томонидан Европа Иттифоқига аъзо 27 давлатдан 26 мингга яқин киши ўртасида ўтказилган сўров натижаларига кўра, қатнашувчиларнинг 21 фоизи ўтган йил давомида камситилгани ёки ҳақоратланганини маълум қилган. Тери ранги, этник келиб чиқиши, ёши ва ижтимоий-иқтисодий ҳолатига кўра камситиш ҳолатлари энг кўп Нидерландияда, эътиқодига кўра камситишлар эса Францияда қайд этилган. Бу борада Швеция, Бельгия ва Кипр ҳам юқори ўринларда.

Ливан жанубида сўнгги 24 соат ичида содир бўлган тўқнашувларда камида 25 та исроиллик аскар яраланди. Шунингдек, бир қанча қурбонлар бор, жумладан, “Ҳизбуллоҳ” билан тўқнашув натижасида Исроил армиясининг захирадаги майори, 228-“Алон” бригадасининг 9308-батальони қўмондони ўринбосари Авирам Хариб ҳамда 7338-“Адирим” артиллерия полкидан 27 ёшли Саъар Элиад Наварски ўлган.

БМТ Аҳолишунослик жамғармаси маълумотларига кўра, 2014 йилдан бери Украина аҳолиси тахминан 10 миллион кишига камайди (фақат 2022 йилдан сўнг – 8 миллионга). Жумладан, 6,7 миллион киши қочқин сифатида хориж мамлакатларига чиқиб кетди. Шунингдек, уруш пайтида камида 11973 нафар тинч аҳоли ҳалок бўлган.

Нигерия шимолида ёқилғи ташувчи юк машинасининг портлаши натижасида ҳалок бўлганлар сони 181 нафарга етди, яна 80 киши касалхоналарда қолмоқда. Ҳодисага ҳайдовчининг тезликни ошириши сабаб бўлган. Ҳалок бўлганлар эса танкердан тўкилган ёқилғини йиғиб олмоқчи бўлганлардир.

Ўзбекистон президенти 23−24 октябрь кунлари Қозон шаҳрида амалий ташриф билан бўлади ва у ерда БРИКС саммитида иштирок этади.

Биз “миллат”, “миллийлик”, “миллий қадриятлар”, “миллий урф одатлар” ҳақида кўп гапирамиз, бироқ ушбу тушунчаларни ўз ўрнида ишлатамизми? “Миллийлик” деганда аслида нимани тушунишимиз керак? Миллатимизга хос бўлган хусусиятлар нималардан иборат? Бугун ана шу саволларга жавоб қидирамиз.

Ливан жанубидаги Қана қишлоғи учинчи бор Исроил армияси томонидан қирғин қилинди. 1996 ва 2006 йилларда бўлгани каби Ғарб матбуоти ушбу қишлоқда ўнлаб тинч аҳоли вакиллари ҳалок бўлганини совуққонлик билан қабул қилмоқда. “Бу эса ирқчи Ғарб медиаси учун сионистларнинг ҳаёти қимматлилиги, араблар эса фақат ўлим кўрсаткичлари янги рекордларни ўрнатгандагина ёритилиши керак бўлган ғайриинсоний мавжудотлар сифатида кўрилишини англатади”, - деб ёзади журналист ва ёзувчи Роберт Инлакеш.

Эрон Покистон ва Афғонистон билан шарқий чегараларида девор қуришни бошлади. Лойиҳадан мақсад ёқилғи, озиқ-овқат ва дори воситалари контрабандаси ҳамда ноқонуний миграцияга қарши курашишдан иборат. Девор баландлиги 4 метр, узунлиги қарийб 300 километрни ташкил қилади.

Исроил Ғазо секторида босқинчилик ва қирғинбарот урушини бошлаганига 382 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар.

Афғонистонда ўзбек ҳайдовчиларидан ундириладиган йиғим ва тўловлар жами тахминан 99 долларга камайтирилди. Ушбу тўловлар юк автомобилининг Афғонистон ҳудудига кириши ва Амударё кўпригидан ўтиш учун белгиланди.