Исроил Ғазо секторида босқинчилик ва қирғинбарот урушини бошлаганига 438 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар.

Россиянинг Ульяновск вилоятида Cobalt енгил автомобили ва MAZ юк машинаси ўртасида содир бўлган йўл-транспорт ҳодисаси оқибатида 5 нафар Ўзбекистон фуқароси ҳаётдан кўз юмди. Ҳалок бўлганларнинг жасадларини ватанга қайтариш чоралари кўрилмоқда.

Исроил ҳукумати якшанба куни мамлакатнинг Ирландиядаги элчихонасини ёпиш ҳақида қарор қабул қилди. Бу қарор Ирландия ҳукумати томонидан Фаластин давлатининг тан олиниши ва Исроилга қарши халқаро ҳуқуқ доирасидаги ҳаракатларни қўллаб-қувватлаши ортидан қабул қилинди.

Москвадаги кучли портлашда Россия Қуролли кучлари радиация, кимёвий ва биологик мудофаа қўшинлари бошлиғи генерал-лейтенант Игорь Кириллов ҳалок бўлди. Аввалроқ Украина уни ҳарбий жиноятларда айблаганди.

Эронда ҳижоб қонуни юзасидан ҳукумат ўртасида можаро келиб чиқди. Парламент томонидан қабул қилинган янги қонун аёлларнинг ҳижоб кийиш мажбуриятларини кучайтиради ва уни бузганлик учун қаттиқ жазоларни назарда тутади. Бироқ Эрон президенти Масуд Пезешкиан ижтимоий норозиликларни келтириб чиқариши мумкинлигидан чўчиб, қонунга вето қўйди.

Суриянинг собиқ диктатори Башар Асад нега мухолифат ҳужуми чоғида мамлакатни тарк этиб, Россияга кетганини илк бор тушунтиришга ҳаракат қилди. Матбуот хизмати томонидан эълон қилинган баёнотда Асад ўзининг эвакуациясини режалаштирилмаган деб атади.

Суриядаги фуқаролик уруши туфайли юз берган сиёсий инқироз йиллар давомида кучайиб борди ва Асад армиясининг қулаши бундан бошқа омилларни ҳам очиб ташлади. Зобитлар аскарларни пора эвазига хизматдан озод қилган ёки уйларига қайтишни буюрган, лекин уларнинг маошларини ўзлари олиб қолишган. Бу ҳолат армиянинг умумий руҳий ҳолатига жиддий таъсир кўрсатган.

Фаластин қаршилик ҳаракатининг илдизлари 1882 йилларга бориб тақалади. Британия империяси, Америка ва бошқа Ғарб мамлакатларининг ҳарбий, молиявий ва дипломатик қўллаб-қувватлави, айрим араб диктаторларининг очиқчасига ёки сукут билан сионистларни дастаклади ва Фаластин мухториятининг хоинлиги ҳам бу қаршилик ҳаракатини ҳеч қандай ташқи ёрдамларсиз кураш олиб боришига тўсқинлик қилаётгани йўқ. Аммо Исроил ташқи ёрдамсиз Фаластин заминида узоқ қолиши даргумон...

Нью-Деҳли Пекинни ўзининг энг йирик рақобатчиси сифатида кўрмоқда. Бу эса Ҳиндистон ҳукуматини Хитойга тўғридан-тўғри парвозларни тўхтатишга, визаларни чеклашга, журналистларни чиқариб юборишга ва Ҳиндистондаги Хитой сармояларини назорат қилишга ундади. 2020 йилда Моди бошчилигидаги Нью-Деҳли 59 та Хитой иловасини, жумладан Weibu'ни зудлик билан тақиқлаш орқали можарони кибермаконга кўчирди.

Ҳукумат Ўзбекистонда қимор ўйинлари, лотерея ва букмекерлик фаолиятини ташкил этиш учун талаб ва шартларни тасдиқлади. Ташкилотчилар учун лицензия муддати 5 йил этиб белгиланди, уларнинг устав капитали камида 56,25 млрд сўм бўлиши шарт. Шунингдек, бир қатор тақиқ ва чекловлар ҳам белгиланган.