Исроил Ғазо секторида босқинчилик ва қирғинбарот урушини бошлаганига 385 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар.

Анқарадаги қўпорувчилик ҳаракатидан сўнг Туркиядаги барча аэропортларда тўқ сариқ рангли огоҳлантириш эълон қилиниб, хавфсизлик чоралари кучайтирилди. Ўзбекистоннинг Истанбулдаги Бош консулхонаси мамлакат фуқароларини Туркияда жорий қилинган эҳтиёт ва хавфсизлик чораларига риоя қилишга чақирди.

Францияда мусулмон фаол мамлакат ҳукуматини исломофобияга берилиб кетганликда очиқ танқид қилгани учун судга тортилди. Ильяс Д’Имзален «Интифада» (Исроилга қаршилик) атамасини омма олдида ишлатгани ва сионизмни танқид қилгани учун 15 йилгача қамоқ жазосига ҳукм қилиниши мумкин.

Россия президенти Владимир Путин Курск вилоятига бостириб кирган Украина Қуролли кучларининг айрим бўлинмалари қуршовга олингани ва йўқ қилинаётганини билдирди. Бундан ташқари, у Россия армияси Украинадаги бутун фронт чизиғи бўйлаб олдинга силжишда давом этаётганини таъкидлади. Украина томони ҳозирча унинг баёнотларига муносабат билдиргани йўқ.

Қозон шаҳрида бўлиб ўтган БРИКС саммити давомида 13 та давлат, жумладан, Ўзбекистон, Туркия, Қозоғистон ва Беларусь бирлашманинг ҳамкор давлатлари мақомини олди. Бу клубга қўшилиш йўлидаги мажбурий босқич ҳисобланади.

Чеченистонда номаълум шахслар Россия гвардияси карвонига ҳужум қилди. Росгвардия матбуот хизмати бир ҳарбийнинг ҳалок бўлгани, бир хизматчи яраланганини маълум қилди. Ҳужум қилганлар яширинган.

БРИКС – Бразилия, Россия, Ҳиндистон, Хитой ва Жанубий Африка ҳамда янги беш аъзодан иборат норасмий гуруҳ бўлиб, ривожланаётган иқтисодиётларнинг глобал тартиботдаги таъсирини оширишга интилмоқда. Хўш, БРИКСнинг аҳамияти, тарихи, вазифалари қандай? БРИКС валютаси долларнинг ўрнини боса оладими? Бу ташкилотни келажакда нималар кутиб турибди – таҳлилий мақола.

Россияда меҳнат муҳожирлари сони қисқариши натижасида ногирон ва кексаларга қаровчи мутахассислар етишмовчилиги ортган. "Маҳаллий аҳоли - москваликлар ёки Россиянинг бошқа минтақаларидан келганлар айланиб ўтишни маъқул кўрадиган вакансияларга кўпинча меҳнат муҳожирлари талабгор бўлишади ", дейди Москвадаги «Время заботы» патронаж маркази раҳбари Наталья Глазова.

Ўзбекистон президенти Шавкат Мирзиёев Россияда бўлиб ўтган “БРИКС плюс” форматидаги саммитда нутқ сўзлади. Давлат раҳбари ўз нутқида Ўзбекистон БРИКС давлатлари билан шериклик алоқаларини фаол ривожлантириш ниятида эканини билдирди. Шунингдек, Ўзбекистоннинг БРИКС билан боғлиқ режалари ҳамда Яқин Шарқдаги вазиятга ҳам тўхталди.

Исроил Ғазо секторида босқинчилик ва қирғинбарот урушини бошлаганига 384 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар.