Сургут шаҳар думаси депутати Евгений Барсов нафақахўрларни автоювиш шохобчаларида ишлатишни таклиф қилди. Унинг фикрича, бу иш нафақахўрлар учун қўшимча даромад манбаи бўлиши мумкин. Таъкидланишича, Барсов 10 та спорт самолёти, 29 та хонадон ва ер участкаларига эга.

АҚШ армияси трансгендерларнинг ҳарбий хизматга киришини тақиқлади ва гендер ўтиш тартиб-қоидаларини амалга ошириш ёки уларга ёрдам беришни тўхтатиш ҳақида қарор чиқарди. Ушбу қарор бугун, 15 февралдан кучга киради ва АҚШ армиясида ҳам эркак ва аёл доимий жинс сифатида тан олинади.

Озарбайжон президенти Илҳом Алиев Суриядаги сиёсий ўзгаришлар муносабати билан мамлакатнинг ўтиш даври президенти Аҳмад ал-Шаръга мактуб йўллади. Мактубда Алиев Озарбайжон Сурия билан дўстлик ва ҳамкорлик алоқаларини ривожлантиришга катта аҳамият беришини таъкидлади. Унинг қайд этишича, Озарбайжон Сурияга мазкур муҳим ўтиш даврида зарур ёрдам кўрсатишга тайёр.

Хитой Афғонистон билан темир йўл алоқасини йўлга қўйди ва Қозоғистон ҳамда Ўзбекистон орқали янги йўналишда биринчи юк поездини жўнатди.

Кучли ёмғир ва совуқ ҳаво туфайли кўчирилган аҳоли яшаётган ўнлаб чодир ва вақтинчалик бошпаналар сув остида қолган. Ишончли бошпаналарнинг йўқлиги Ғазода озиқ-овқат, тоза ичимлик суви, дори-дармон ва иссиқлик таъминоти билан боғлиқ муаммоларни янада кучайтиради.

Мусулмон мамлакатларида Ғарб брендларига қарши бойкот уларнинг даромадларини кескин камайтирмоқда. Истеъмолчилар Исроилни қўллаб-қувватлаганликда гумон қилинган компаниялар маҳсулотларидан воз кечмоқда. Энг катта зарар кўрган компаниялардан бири Americana Restaurants бўлди.

Исроил армияси жангчилари Суриянинг Кунейтра вилоятидаги Кудна қишлоғига жойлашаётгани айтилмоқда. Сурия манбалари қўшни Саида қишлоғида ҳам Исроил ҳарбий конвойи пайдо бўлгани, унда 12 та ҳарбий техника ва шахсий таркиб жойлашганини маълум қилган.

АҚШда 14 та штат Президент Дональд Трамп ва Илон Маскка қарши федерал судга мурожаат қилди. Штатлар суддан Маскнинг ҳукуматдаги ваколатларини вақтинча чеклашни сўрамоқда. Уларнинг айтишича, Маск Сенат тасдиғисиз ҳукумат қарорларига аралашмоқда ва федерал идораларни ёпиш ҳуқуқига эга бўлиб олган. Улар буни Конституцияга зид деб ҳисоблашмоқда.

Сурия Маориф вазирлиги Шарқий Туркистонлик (уйғурлар) талабаларга бепул таълим берилишини эълон қилди. Энди Шом диёрида ушбу ҳудуддан келган болалар ва ёшлар бошланғич мактабдан тортиб то университетгача ҳеч бир харажатсиз ўқиши мумкин

Россияда узоқ вақт (30 йил ва ундан кўп) бир никоҳда яшаганларга «мукофот пули» тўланиши мумкин. Тегишли қонун лойиҳаси давлат Думасига бугун, 14 феврал куни киритилади. Муттасил бир никоҳда 30 йил яшаганларга 30 минг рубл (335 доллар атрофида) берилади.