Қозоғистон адлия вазири Эрлан Сарсембаевнинг маълум қилишича, Қозоғистон халқининг “миллий ва диний анъаналарига” зид бўлган жасадларни ўрганиш ўрнига суд-тиббиёт фаолиятига “виртуал аутопсия”ни жорий этиш режалаштирилмоқда. Мазкур услуб ёрдамида одамларнинг танаси компьютер томографияси ёрдамида текширилади.

ҲАМАСнинг маълум қилишича, Исроилнинг инсонпарварлик ёрдамларини киритмаслик сиёсати сабабли Ғазо секторида олти чақалоқ совуқдан ҳалок бўлди. Исроил 2 миллиондан ортиқ фаластинлик учун мўлжалланган инсонпарварлик ёрдами ва уй-жой таъминотини тўсиб қўйган.

Ривожланган мамлакатларнинг қарзи ўтган йили 214,3 триллион долларни ташкил қилган. Швеция, Нигерия, Хитой, Исроил ва Саудия Арабистони молиявий сектордан ташқари қарз нисбатларининг энг тез ўсишини кузатган бўлса, Аргентина, Туркия, Нидерландия, Греция ва Ирландияда уларнинг кескин пасайганлиги кузатилди.

Исроил 2023 йил 7 октябрь воқеаларига оид расмий баёнотни шубҳа остига олишни жиноийлаштирувчи янги қонунни қабул қилди. Қаршиликсиз ўтган бу қонун, 7 октябрь ҳужумини инкор этадиган, Холокостни шубҳа остига оладиган ёки Исроил хавфсизлик ходимларини халқаро судларда ҳарбий жиноятлар учун жиноий жавобгарликка тортишни қўллаб-қувватлайдиган шахслар ёки ташкилотларга мансуб исроиллик бўлмаган фуқароларга мамлакатга кириш ёки яшашни тақиқлайди.

Қонунчилик палатаси депутатлари жисмоний шахсларга фақат ўзи ёки яқин қариндоши учун хайрия йиғишга рухсат беришни кўзда тутган қонун лойиҳасини қабул қилди. Кўнгиллилар эса ўзига бегона бўлган шахслар учун хайрия маблағларини йиғишда фақат эълон бериб кўмаклашиши мумкин бўлади.

Ғазо сектори, Иордан дарёсининг Ғарбий Соҳили ҳамда бутун Яқин Шарқ ҳудудида сўнгги 24 соат давомида содир бўлган асосий воқеалар.

Баҳрайн қироллигининг Манама шаҳрида Мусулмон донишмандлар кенгашининг навбатдаги йиғилиши бўлиб ўтди. Унда Ўзбекистон мусулмонлари идораси раиси, муфтий Шайх Нуриддин Холиқназар ҳам иштирок этди.

Французлар мусулмон аёлларни озод қилишга эмас, балки синдиришга, уларни диний ва маданий илдизларидан ажратишга ҳаракат қилган. Улар аёллар танасини кўришни, уларни назорат қилишни исташган - рад этилганда эса, мустамлакачи тафаккурга хос тарзда ғазаб ва зўравонлик билан реакция билдиришган.

Россия-Украина уруши бошланганининг уч йиллиги муносабати билан 24 февраль куни БМТ Бош Ассамблеяси Киев ва Европа давлатлари томонидан тайёрланган Украинадаги уруш бўйича резолюция лойиҳасини кўпчилик овоз билан қабул қилди. Ушбу ҳужжатга АҚШ ва Россия қарши овоз берди.

Исроил 2010 йил ёзидан буён бадавий араблар истиқомат қилувчи Арақиб қишлоғини 236-марта бузиб ташлади. Қишлоқ аҳолиси ҳар бир бузилишдан кейин уйларини тиклайди.