-
Британиянинг Кент вилоятида 30 ёшли Блейк Хиндри номаълум рақамдан Лондондаги масжидга қўнғироқ қилиб, масжидни ёқиб юбориш ва имомини ўлдиришини айтди. Унинг Лондондаги яна тўртта масжидга таҳдидли қўнғироқларни амалга оширгани маълум бўлди. Эркак судда ўз айбини тан олди ва 2 йилу 6 ой муддатга қамалди.
-
Эронда Арбаин маросими учун Покистондан Ироққа шиа зиёратчиларни олиб кетаётган автобус ағдарилиб кетиши оқибатида 35 киши ҳалок бўлди, 15 киши жиддий жароҳатланди. Ушбу зиёратчилар Имом Ҳусайн шаҳид этилганининг 40-кунида нишонланадиган Арбаин маросимига қатнашиш учун йўлга чиқишган.
-
Украина ғарбидаги Тернополь шаҳрида 20 август куни тунда Россия ҳаво кучларининг саноат объектига берган зарбасидан сўнг ҳавода хлор концентрацияси меъёрдагидан 4-10 барвар ошиб кетди. Айни пайтда, украин учувчисиз учоғи зарбаси туфайли РФнинг Ростов вилояти Пролетарск шаҳридаги нефть омборида уч кундирки ёнғин давом этмоқда.
-
31 июль куни Теҳронда ҲАМАС сиёсий бюроси раҳбари Исмоил Ҳаниянинг ўлдирилиши Ғазодаги уруш ва у билан боғлиқ зиддиятлар, музокаралар масаласи, ҳаракатнинг ички ҳолати ва ташқи дунё билан алоқаларига таъсири борасида бир қанча саволларни юзага келтиради. Шунга қарамай, қаршилик ҳаракатининг Ғазодаги раҳбари Яҳё Синвар Исмоил Ҳаниянинг вориси бўлиши, ҲАМАСнинг келгусидаги стратегиясини кўрсатмоқда.
-
Украина Олий Радаси мамлакатда каноник Украина православ черкови (УПЧ) фаолиятини тақиқловчи қонунни қабул қилди. УПЧ 2020 йил март ойида ўзининг тўлиқ мустақиллиги ва Москва Патриархиясидан мустақиллигини эълон қилган бўлса ҳам, мамлакатда "россияпараст" черков деб ҳисобланилади.
-
2024 йилнинг октябрь ойида Ўзбекистонда Имом Абу Исо Муҳаммад Термизийнинг 1200 йиллиги кенг нишонланади. Жумладан, халқаро илмий конференция ва анжуман, кўргазмалар, танловлар ўтказиш режалаштирилган. Шунингдек, Имом Термизийнинг “Аш-Шамоил ал-Муҳаммадийя” ва “Сунани Термизий” асарларининг кўп жилдлик таржима ва шарҳи тайёрланиб, чоп этилади. Президент Шавкат Мирзиёев шу ҳақдаги қарорни имзолади.
-
Исроил Ғазо секторида босқинчилик ва қирғинбарот урушини бошлаганига 319 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар.
-
Охирги маълумотларга кўра, Украина қуролли кучлари ҳужумлари оқибатида Россиянинг Курск вилоятида 17 нафар тинч аҳоли вакили ҳалок бўлган, 140 дан ортиғи жароҳатланган. Яраланганларнинг 75 нафари касалхонага ётқизилган.
-
ЛДПР депутатлари меҳнат муҳожирларига оилаларини Россияга кўчириб келишини тақиқлашни кўзда тутган қонун лойиҳасини ишлаб чиқмоқда. Давлат Думаси вакилининг фикрича, бу ишчи кучи етишмаслиги билан боғлиқ вазиятнинг янада ёмонлашувига олиб келади.
-
Қоҳира Рафаҳни қайта очиш эвазига Исроилнинг Миср ва Ғазо чегарасини назорат қилишига рози бўлди. Бироқ май ойидан буён Исроил назоратида турган Рафаҳ чегара масканини бошқариш Фаластин маъмуриятига топширишни талаб қилмоқда.