Муҳожирларга оилаларини Россияга кўчириб келишни тақиқлаш таклиф қилинди
Муҳожирларнинг оилалари билан Россияга кўчиб ўтишини тақиқлаш ишчи кучи етишмаслиги билан боғлиқ вазиятни янада ёмонлаштиради. Бу ҳақда Давлат Думасининг Меҳнат, ижтимоий сиёсат ва фахрийлар ишлари бўйича қўмитаси аъзоси Светлана Бессараб маълум қилди.
Бир гуруҳ ЛДПР депутатлари Давлат Думасига чет элликларнинг мамлакатда ишлаётган шахс билан қариндошлиги асосида Россияга киришини тақиқловчи қонун лойиҳасини киритишни режалаштирмоқда.
“Агар меҳнат муҳожири яшаш учун рухсатнома олиш ниятида келса, қонунга бўйсунса ва ўз ишини яхши бажарса, ҳатто паст малакали лавозимда ҳам, нега оиласини олиб келиб, шу ерда ишлашда давом этишига рухсат бермаслигимиз керак? ” – деди парламентарий Lenta.ru сайтига берган интервьюсида.
Бессараб, шунингдек, Россияга нафақат юқори малакали кадрлар, балки маҳаллий аҳоли кўпинча ишлашни истамайдиган паст малакали ишчилар ҳам зарурлигини эслатди. Шунинг учун, унинг фикрича, бундай тақиқлар фақат зарар келтириши мумкин.
Аввалроқ Россияда муҳожирларга қарши кампания товарлар ва хизматлар нархининг сезиларли даражада ошиши ҳамда сифатининг пасайишига олиб келаётгани ҳақида хабар қилинган эди.
Мавзуга алоқадор
-
Туркия ядровий тартибга солиш агентлиги кенгаши Россия-Туркия ҳамкорлигида барпо этилган "Аккую" АЭСнинг биринчи энергоблокини ишга туширишга рухсат берди
-
Россиянинг Калуга вилоятида мигрантларни калтаклаб, видеосини Telegram-каналига жойлаштириб келган мактаб ўқувчилари тўдаси қўлга олинди.
