Қоҳира Рафаҳ очилиши эвазига Миср-Ғазо чегарасини Исроил ҳарбийлари назоратига топширишга рози бўлди
Қоҳира Рафаҳни қайта очиш эвазига Исроилнинг Миср ва Ғазо чегарасини назорат қилишига рози бўлди. Бу ҳақда Мисрнинг уч нафар юқори мартабали манбалари iddle East Eye нашрига маълум қилди.
Ғазо-Миср чегараси бўйлаб қуролсизлантирилган буфер зонаси бўлган Филадельфия коридори бўйича келишув иккита вариантни ўз ичига олади.
Қайд этилишича, Исроил Синайдан Ғазога қурол-яроғ контрабандаси амалга оширилаётганидан хавотир билдиргани сабабли чегарадаги ҳарбий иштирокини сақлаб қолишни афзал кўрмоқда.
Иккинчи вариант эса қўшинлар чегарадан контрабандани кузатиш ва олдини олиш учун илғор электрон датчиклар билан жиҳозланган ер ости тўсиғи билан алмаштиради.
Дастлаб суверенитет ва миллий хавфсизлик билан боғлиқ хавотирлар туфайли бу ғояга қаршилик кўрсатган Миср музокараларда мослашувчанлик кўрсатди. Бироқ Қоҳира Рафаҳ ўтиш жойи Исроил билан чегара бўлмаган ягона қизил чизиқ бўлишини аниқ айтди. Миср Исроил ушбу ҳудудни тарк этиши ҳамда назоратни Фаластин маъмуриятига топшириши кераклигини таъкидламоқда.
Май ойида Исроил назоратни қўлга киритгач, Рафаҳ ўтиш жойининг ёпилиши Ғазодаги гуманитар инқирозни янада кучайтирди. Можаро бошланганидан бери 40,2 мингдан ортиқ фаластинлик ҳалок бўлди. Ғазодаги маҳаллий ҳокимиятларнинг айтишича, ёпилиш гуманитар ёрдам ёки эвакуация орқали қутқарилиши мумкин бўлган 1000 фаластинликнинг ўлимига сабаб бўлган.
Мисрнинг чегара хавфсизлиги бўйича музокаралар олиб боришга рози бўлишига Исроил ва Американинг сезиларли босими таъсир кўрсатди. Дипломатик манбаларнинг таъкидлашича, Миср Исроилдан катта миқдорда энергия импорт қилади ва ҳозирда энергетика инқирози билан юзма-юз келмоқда, бу эса уни ташқи босимга нисбатан заифлаштиради.
Мавзуга алоқадор
-
АҚШ президенти Жо Байден Исроилнинг 1,3 миллиондан ортиқ фаластинликлар бошпана топган Ғазонинг Рафаҳ шаҳрига эҳтимолий бостириб кириши унинг “қизил чизиғи” эканини, бироқ ушбу давлатга қурол-яроғ етказиб беришни тўхтатмоқчи эмаслигини таъкидлади.
-
Тел-Авив ва Қоҳира май ойи бошида Исроил кучлари чегара пунктини эгаллаб олганидан бери биринчи марта гуманитар ёрдам етказиб бериш учун назорат пункти очишга келишиб олди. Ушбу чегара постидаги назорат Исроил ҳарбийларидан "ҲАМАСга алоқаси йўқлиги исботланган фаластинликларга" топширилади.
