Turkiy davlatlar qoʻshma kichik CubeSat sunʻʻiy yoʻldoshini ishlab chiqish uchun maxsus muhandislar guruhini tuzishni rejalashtirmoqda. Mazkur jamoa oʻz faoliyatini Qozogʻistondagi tadqiqot markazida amalga oshiradi.
Qirgʻiziston Ozarbayjonning Armaniston ishgʻolidan ozod qilingan Agdam tumani Xidirli qishlogʻida oʻz hisobidan maktab quradi. Sadir Japarov va Ilhom Aliev birgalikda ushbu maktabning tamal toshini qoʻydi. Davlat rahbarlari Agdam shahrining qayta tiklangan tarixiy Juma masjidining ochilish marosimida ham ishtirok etishdi.
Rajab Toyyib Erdoʻgʻonning Iroqqa tashrifi doirasida Turkiya, Iroq, Qatar va BAA oʻrtasida Sharq va Evropa mamlakatlarini bogʻlovchi eng qisqa yoʻlni barpo etishni koʻzda tutgan “Taraqqiyot yoʻli” loyihasini amalga oshirish boʻyicha anglashuv memorandumi imzolandi. Ushbu yoʻlning Xitoy va Evropa oʻrtasidagi masofani Suvaysh kanali orqali oʻtadigan dengiz yoʻliga nisbatan qisqartirib, vaqt va mablagʻni tejashi kutilmoqda.
Qirgʻizistonning janubiy viloyatlarida selga qarshi toʻgʻon buzilishi natijasida aholi zudlik bilan evakuatsiya qilinmoqda. Kamida bir kishi halok boʻlgan.
Britaniya tashqi ishlari vaziri Devid Kemeron Markaziy Osiyo davlatlari va Moʻgʻilistonga tashrifini boshladi. Britaniya TIV rahbari ilk bor Tojikiston va Qirgʻizistonda boʻldi. Oʻzbekistonga esa oxirgi marta 1997 yilda tashrif buyurgan.
Oʻzbekiston prezidenti Shavkat Mirziyoev qisqa muddatli mehnat taʻʻtiliga chiqdi. Turkiya prezidenti Rajab Toyyib Erdoʻgʻon esa 12 yillik tanaffusdan soʻng ilk bor Iroqqa bir kunlik tashrif bilan bormoqda. Ozarbayjon rahbari Ilhom Aliev Rossiyaga tashrif buyurdi.
Qozogʻiston janubidagi Balxash viloyatida joylashgan Ile-Balxash davlat qoʻriqxonasi hududida 18 gektar maydonda qurigan xas-choʻplar va qamishlar yondi. Gidrometeorologiya xizmati mamlakat janubida harorat may oyidayoq 40 darajaga koʻtarilishi, bu esa, oʻz navbatida, yongʻinlar xavfini yanada oshirishini taxmin qilmoqda.
Armaniston Tavush viloyatidagi toʻrtta qishloqni Ozarbayjonga oʻtkazadigan boʻldi. Armaniston bosh vaziri devoni ushbu qarorni izohlar ekan, bu chegaradagi xavfsizlikka tahdidlarni kamaytirishini maʻʻlum qildi.
Oʻzbekiston musulmonlari idorasi raisi, muftiy shayx Nuriddin Xoliqnazar hazratlari Islom olami uyushmasi tarkibidagi Islomiy fiqh akademiyasi aʻʻzoligiga qabul qilindi.
Oʻzbekiston Qozogʻistonning suv toshqinlaridan jabr koʻrgan hududlari aholisi uchun 15 ta yuk mashinasida insonparvarlik yordami joʻnatdi. 100 tonna yukni oʻz ichiga olgan mazkur yordam qiymati 10 milliard soʻmni tashkil etishi maʻʻlum qilindi.