Qirgʻiziston Armaniston ishgʻolidan ozod qilingan qishloqda maktab quradi
Qirgʻiziston Ozarbayjonning Armaniston ishgʻolidan ozod qilingan Agdam tumani Xidirli qishlogʻida oʻz hisobidan maktab quradi. Sadir Japarov va Ilhom Aliev birgalikda ushbu maktabning tamal toshini qoʻydi. Davlat rahbarlari Agdam shahrining qayta tiklangan tarixiy Juma masjidining ochilish marosimida ham ishtirok etishdi.
Qirgʻiziston
prezidenti Sadir Japarovning Ozarbayjonga rasmiy tashrifi doirasida Armaniston
ishgʻolidan ozod qilingan Fuzuliy va Agdam tumanlarida boʻldi.
Agdam
tumanidagi Xidirli qishlogʻida Qirgʻiziston hisobidan qurilishi rejalashtirilayotgan
umumtaʻʻlim maktabiga tamal toshi qoʻyish marosimi boʻlib oʻtdi.
Prezidentlar Fuzulidagi armanlar ishgʻoli davridagi
vayronalarni koʻzdan kechirdi. Ularga bu erda amalga oshirilayotgan restavratsiya va
rekonstruktsiya ishlari haqida maʻʻlumot berildi.
Soʻngra Aliev
va Japarov Agdam shahriga borib, u erdagi tarixiy obidalarni ziyorat qilishdi, rekonstruktsiya va
restavratsiya ishlari bilan tanishishdi.
Davlat rahbarlari Agdam shahrining qayta tiklangan tarixiy Juma masjidining
ochilish marosimida ishtirok etishdi.
Aliev va Japarov Agdamning Xidirli qishlogʻida boʻlib,
Qirgʻiziston tomonidan quriladigan maktab poydevoriga birinchi toshni qoʻyishdi.
Qayd etilishicha, Xidirli qishlogʻida umumtaʻʻlim maktabi qurish
uchun 2,7 gektar maydon ajratilgan. Ikkita er usti va er osti qavatidan iborat
boʻladigan binoda 22 ta sinf
xonasi boʻladi. Shuningdek, maktabda sport va majlislar zali, 2 mehnat xonasi, kutubxona,
fizika-kimyo va biologiya laboratoriyalari, 2 informatika xonasi, boshlangʻich harbiy tayyorgarlik xonasi boʻladi. Maktab
hududiga sport maydonchasi, doʻkoncha,
oʻrindiqlar oʻrnatilib, qozonxona quriladi. Qurilish ishlari 2024 yil oxirigacha
yakunlanishi rejalashtirilgan.
Eslatib
oʻtamiz, Fuzuliydagi qurilish-tiklash jarayoniga Oʻzbekiston ham oʻz hissasini qoʻshgan.
Jumladan, shaharda Oʻzbekiston tomonidan qurilgan 1-umumtaʻʻlim maktabi
«Qorabogʻning tiklanishida xorijiy davlatning ilk sovgʻasi" boʻlgan.
.png)
Mavzuga aloqador
-
94 kishidan iborat yana bir guruh aholi ozod qilingan shaharga joʻnab ketdi.
-
Armaniston Tavush viloyatidagi toʻrtta qishloqni Ozarbayjonga oʻtkazadigan boʻldi. Armaniston bosh vaziri devoni ushbu qarorni izohlar ekan, bu chegaradagi xavfsizlikka tahdidlarni kamaytirishini maʻʻlum qildi.
