Soʻnggi kunlarda rossiyalik chegarachilar aeroportlar va er usti oʻtkazish punktlarida nafaqat Tojikiston fuqarolari, balki Oʻzbekiston va Qirgʻizistondan kelgan muhojirlarga ham Rossiya hududiga kirishni ommaviy ravishda taqiqlamoqda. Huquq himoyachisi Valentina Chupikning aytishicha, ushlab turilganlarning toʻrtdan bir qismigina Tojikiston fuqarolari, undan ikki hissa koʻpi — Oʻzbekistondan kelgan muhojirlar, qolganlari Qirgʻiziston vakillari.
Shavkat Mirziyoev III Toshkent xalqaro investitsiya forumidagi nutqida investorlar huquqlarini himoya qilishni kuchaytirishga qaratilgan qator takliflarni taqdim etdi. Jumladan, Jahon savdo tashkiloti tartib-qoidalari va standartlariga mos keluvchi «Investitsiyalar toʻgʻrisida»gi qonun qabul qilinadi, mamlakatda Xalqaro tijorat sudi ish boshlaydi va xorijiy sarmoyadorlarga erlarni ijaraga berish muddati ikki barobar uzaytiriladi.
Oʻzbekiston prezidenti Shavkat Mirziyoev Turkiya vitse-prezidenti Javdat Yilmazni qabul qildi. Yilmaz Senat raisi Tanzila Norboeva hamda iqtisodiyot va moliya vaziri Jamshid Qoʻchqorov bilan ham muzokaralar oʻtkazdi.
Anorbank hamda Xususiy sektorni rivojlantirish boʻyicha Islom korporatsiyasi Oʻzbekistonda birinchi Islom bankini tashkil etish loyihasini hamkorlikda amalga oshirishga kelishib oldi.
Qozogʻistonda xorijda noqonuniy yoʻllar bilan pul yuvishga uringan oligarxlardan tortib olingan 40 milliard tengedan (90 million dollar) ziyod mablagʻ ijtimoiy dasturlar, jumladan, mamlakat shimolida roʻy bergan suv toshqinlari oqibatlarini bartaraf etishga sarflanishi maʻʻlum qilindi.
Qozogʻistonning sobiq ichki ishlar vaziri Erlan Turgʻumbaev 2022 yilgi tartibsizliklar boʻyicha hibgs olindi. U ogʻir oqibatlarga olib kelgan mansab vakolatlarini suiisteʻʻmol qilishda ayblanmoqda.
Prezident farmoni bilan Oʻzbekistonda 2025 yil yanvardan internet tarmogʻida tavakkalchilikka asoslangan oʻyinlarni (onlayn qimor – tahr.) tashkil etish va oʻtkazish, bukmekerlik faoliyatini amalga oshirishga ruxsat berildi. Jamoatchilik mazkur qarorni qanday qabul qildi? Azon Global ijtimoiy tarmoqlar foydalanuvchilarining ushbu qarorga munosabatini oʻrgandi.
2024 yil yanvarʻ-mart oylarida Oʻzbekistonda qariyb 48,6 mingta nikoh qayd etildi. Bu oʻtgan yilning mos davriga nisbatan 900 taga kam. Nikohlarda ayollarning oʻrtacha yoshi 23,3 yoshni, erkaklarning oʻrtacha yoshi esa 28,2 yoshni tashkil etdi. Nikohdan ajralishlar soni 2020 yilning mos davriga nisbatan 1,5 barobarga koʻpaygan.
Islom taraqqiyot banki “Shariat meʻʻyorlari boʻyicha arzon uy-joylarni moliyalashtirish” loyihasi doirasida Qirgʻizistonga 79 million dollar ajratadi. Qirgʻiz hukumati loyiha tufayli minglab oilalar arzon uy-joylar bilan taʻʻminlanishini maʻʻlum qildi.
Rossiyaning Sankt-Peterburg shahrida oʻzbekistonlik mehnat muhojiri bir necha kishini yongʻindan qutqarib qoldi.