Muftiy shayx Nuriddin Xoliqnazar Islomiy fiqh akademiyasi aʻʻzoligiga qabul qilindi

Oʻzbekiston musulmonlari idorasi raisi, muftiy Shayx Nuriddin Xoliqnazar hazratlari Islom olami uyushmasi tarkibidagi Islomiy fiqh akademiyasi aʻʻzoligiga qabul qilindi.

Oʻzbekiston musulmonlari idorasi raisi, muftiy Shayx Nuriddin Xoliqnazar hazratlari Islom olami uyushmasi tarkibidagi Islomiy fiqh akademiyasi aʻʻzoligiga qabul qilindi. Bu haqda 20 aprelʻ kuni Saudiya Arabistoni poytaxtida Akademiyaning 23-davra yigʻilishida eʻʻlon qilindi, deya xabar bermoqda Oʻzbekiston musulmonlari idorasi matbuot xizmati.

Yigʻilishda ishtirok etayotgan dunyoning etakchi ulamolari muftiy hazratlarini ushbu martaba bilan qutlab, Oʻzbekistondagi diniy-maʻʻrifiy sohadagi islohotlarni yuqori baholashdi.

Taʻʻkidlanishicha, shu paytga qadar ham Shayx Nuriddin Xoliqnazar hazratlari Xalqaro musulmon ulamolari kengashi va Musulmon donishmandlar kengashi aʻʻzosi sifatida nufuzli tadbirlardagi tashabbuslari musulmon dunyosi tomonidan qoʻllab-quvvatlanmoqda.

Shuningdek, dolzarb mavzudagi chiqishlari Misr Arab Respublikasi, Qatar, Rossiya va MDHdagi bir qator davlatlarning minglab kuzatuvchilarga ega boʻlgan sayt va ijtimoiy tarmoqlar, gazeta-jurnallarda arab, ingliz va rus tillarida nashr etildi.

“Oʻzbekiston vakilining mazkur kengashga qabul qilingani yurtimizda davlatimiz Rahbari rahnamoligida amalga oshirilayotgan keng koʻlamli diniy-maʻʻrifiy sohadagi islohotlarning yuksak eʻʻtirofi boʻldi”, - deyiladi xabarda.

Oʻzbekiston muftiysi mushtarak maqsadlar boʻlmish Islom dini, musulmon ummatiga xizmat qilish, Islom fiqhining eʻʻtirof etilgan manbalaridan butun dunyo musulmonlari duch kelayotgan zamonaviy muammolarga echim topish, musulmonlar oldida turgan masalalarni hal qilishda munosib ishtirok etish, Islom fiqhiy merosini targʻib qilish va bu sohadagi ilmiy tadqiqotlarni ragʻbatlantirish borasida bor bilim-tajriba hamda imkoniyatlarini safarbar etishini maʻʻlum qildi.