Qozogʻistonda “Ommaviy axborot vositalari toʻgʻrisida”gi yangi qonun qozoq tilidagi axborotlar ulushini bosqichma-bosqich oshirishga qaratilgan. 2025 yildan boshlab qozoq tilidagi tele va radio dasturlar umumiy hajmining kamida 55 foizini, 2027 yildan esa 60 foizini tashkil qilishi kerak.
Mustaqil davlatlar hamdoʻstligi (MDH) Parlament assambleyasining siyosiy masalalar va xalqaro hamkorlik boʻyicha doimiy komissiyasining navbatdagi majlisida Assambleyaning Falastin davlatining Gʻazo sektoridagi vaziyat toʻgʻrisidagi bayonoti loyihasi koʻrib chiqildi. Unda Oʻzbekiston nuqtai nazari va takliflari ham inobatga olindi.
Oʻzbekiston prezidenti Shavkat Mirziyoev Tojikiston prezidenti Emomali Rahmonning taklifiga binoan 18-19 aprelʻ kunlari davlat tashrifi bilan ushbu mamlakatda boʻldi. Shavkat Mirziyoev tashrif davomida Emomali Rahmon tor doirada va kengaytirilgan tarkibda muzokaralar oʻtkazdi, shuningdek, Tojikiston Parlamenti quyi palatasi raisi Mahmadtoir Zokirzoda va bosh vazir Qohir Rasulzoda bilan uchrashuvlar oʻtkazdi. Tashrifning qisqacha tafsiloti.
Qozogʻiston prezidenti Qosim-Jomart Toqaev toshqindan jabr koʻrgan hududlarga yordam berishga mahalliy milliarderlarni jalb qilish gʻoyasini taklif qildi. U har bir viloyat, tuman va qishloqqa mamlakatdagi eng boy kishilardan birini biriktirish zarurligini taʻʻkidladi.
Rossiya tinchlikparvar kuchlari Qorabogʻni tark etishni boshladi. Jumladan, Kelbajar tumanidagi alban Xudavang ibodatxonasini qoʻriqlash Ozarbayjon IIV xodimlariga topshirildi.
Oʻzbekiston musulmonlari idorasi va Janubiy Koreya musulmonlari federatsiyasi oʻrtasida anglashuv memorandumi imzolandi. Unda diniy taʻʻlim va imom-xatiblar tajriba almashinuvini yoʻlga qoʻyish, Janubiy Koreyada mehnat muhojirlari koʻp joylashgan hududlardagi jome masjidlarga oʻzbekistonlik imom-xatiblarning maʻʻrifiy suhbatlar tashkil etish kabilar koʻzda tutilgan.
Qirgʻiziston Raqamli rivojlanish vazirligi Milliy xavfsizlik davlat qoʻmitasi xati asosida mamlakatda TikTok ijtimoiy tarmogʻiga kirish cheklanishini maʻʻlum qildi.
Frantsiya Ozarbayjondagi elchisi Ann Buayonni maslahatlashuvlar uchun chaqirib oldi. Parij Bokuni “ikki davlat munosabatlariga putur etkazuvchi bir tomonlama harakatlarda” aybladi.
"Soros" xalqaro jamgʻarmasining butun Markaziy Osiyo boʻyicha faoliyatini muvofiqlashtiruvchi "Soros-Qirgʻiziston" jamgʻarmasi xorijiy agentlar toʻgʻrisidagi qonun qabul qilinishi munosabati bilan respublikadagi faoliyatini toʻxtatmoqda.
Moskvadagi qurilish maydonida qurilish materiallarining notoʻgʻri taqsimoti sababli Oʻzbekiston va Tojikiston fuqarolari ommaviy mushtlashdi. Natijada 10 nafar oʻzbekistonlik va 13 nafar tojikistonlik mehnat muhojirlari qoʻlga olindi. Hodisada hech kim jabrlanmagan.