Qozogʻiston janubidagi qoʻriqxonada yongʻin sodir boʻldi

Qozogʻiston janubidagi Balxash viloyatida joylashgan Ile-Balxash davlat qoʻriqxonasi hududida 18 gektar maydonda qurigan xas-choʻplar va qamishlar yondi. Gidrometeorologiya xizmati mamlakat janubida harorat may oyidayoq 40 darajaga koʻtarilishi, bu esa, oʻz navbatida, yongʻinlar xavfini yanada oshirishini taxmin qilmoqda.

Balxash viloyatida Ile-Balxash davlat qoʻriqxonasi hududida qurib qolgan daraxt va qamishlar yonib ketdi, deb xabar berdi Tengrinews.kz nashri.

Favqulodda vaziyatlar vazirligi maʻʻlumotlariga koʻra, «Kazaviaspas» xodimlari allaqachon yongʻin sodir boʻlgan hududga 159 tonna suv tashlagan. Dastlabki yongʻin maydoni 18 gektarni tashkil etadi.

Vazirlik aholi punktlariga hech qanday xavf yoʻq, deb ishontirdi. Shu bilan birga, borish qiyin boʻlgan botqoqliklar va kuchli shamollarning doimiy ravishda yoʻnalishini oʻzgartirishi yongʻinlarni oʻchirishni murakkablashtirmoqda.

Ob-havo xizmatlari Qozogʻiston janubida harorat may oyidayoq 40 darajaga koʻtarilishi, bu esa yongʻin xavfini keskin oshirishini taxmin qilmoqda.

Ayni paytda mamlakat shimolidagi hududlar qor va muzliklarning tez erishi oqibatida suv toshqinlaridan aziyat chekmoqda. 22 aprelʻ holatiga koʻra, suv toshqini sababli evakuatsiya qilingan 23 085 qozogʻistonlik allaqachon uylariga qaytgan, 8 872 kishi, shu jumladan 3 852 nafari bolalar evakuatsiya markazlarida qolmoqda.

Bugungi kunga qadar 4554 ta uy va 2767 hovlidan suv tortib chiqarilgan. Bu kabi ishlar 5 842 xonadon va mingdan ortiq hovlida davom ettirilmoqda.

Mavzuga aloqador

Eng ko‘p o‘qilgan

Tavsiya qilingan

Reklama