Ozarbayjonda boʻlib oʻtgan Turkiy davlatlar tashkiloti iqtisodiy forumida "Made in Turan" brendi taqdim etildi. "Made in Turan" brendi uchun alohida imtiyozlar olish va maxsus eksport imkoniyatlarini yaratish rejalashtirilmoqda.
Oʻzbekistonda himoya orderini berish bilan bir vaqtda zoʻravonni tuzatish dasturi ishlab chiqiladi. Bundan tashqari, ichki ishlar organlari tomonidan zoʻravonlarning reestrini yuritish tartibi joriy etiladi.
Ayrim kuchlarning Rossiyaga, jumladan, Tojikistondan kelayotgan mehnat muhojirlari atrofidagi vaziyatni sunʼiy ravishda kuchaytirishga urinishlariga birgalikda chek qoʻyish lozimligi va xalqlar oʻrtasidagi vaqt sinovidan oʻtgan birodarlik munosabatlariga putur yetkaza olmasligi taʼkidlandi.
Toshkent xalqaro investitsiya forumida Qozogʻiston, Ozarbayjon va Oʻzbekiston energetika vazirliklari rahbarlari respublikalar energetika tizimlarini integratsiyalashuvi boʻyicha hamkorlik memorandumini imzoladi. Hujjat Kaspiy dengizi tubi boʻylab va boshqa davlatlar hududi orqali yotqiziladigan yuqori volʻtli kabelʻ yordamida energiya tizimlarini ulash imkoniyatlarini oʻrganishni nazarda tutadi.
Qirgʻiziston hukumati oʻz fuqarolarini Rossiyaga safarlarini kechiktirishga chaqirdi. Qirgʻiziston Tashqi ishlar vazirligi bu chorani Rossiya Federatsiyasiga kirishda joriy oʻtish nazorati kuchaytirilgan rejim bilan izohladi. Departamentning qoʻshimcha qilishicha, hozirgi vaziyatda Rossiyaga sayohat qilish sababi faqat "joʻr sabablar" boʻlishi mumkin.
Fargʻona viloyati hokimi Xayrulla Bozorov boshchiligidagi delegatsiyaning Kuvayt va Saudiya Arabistoniga amaliy tashrifi davomida Jiddada ota-bobolari oʻzbekistonlik boʻlib, Saudiya Arabistonida yashab kelayotgan, yirik biznesga ega tadbirkorlar – Vision Ambassadors hamtaʻʻsischisi Osama Kokandiy, Sodiq At-Tijoriya kompaniyasi rahbari Emet Abdulaziz hamda arab ishbilarmoni Ahmad Alxutami bilan uchrashuvlar oʻtkazildi.
Prezident topshirigʻiga koʻra, «Toshkent Qurʻʻoni» nomi bilan mashhur boʻlgan Usmon mushafini konservatsiya va restavratsiya qilish rejalashtirilgan. Ushbu kitob Toshkentdagi Oʻzbekiston musulmonlari idorasining «Moʻyi Muborak» madrasasidagi muzey-kutubxonasida saqlanmoqda. Qoʻlyozma uchinchi xalifa Usmon ibn Affon topshirigʻi bilan VII asrda hijoz yozuvida qayta yozilgan.
Turkiya payshanba kunidan Isroil bilan barcha savdo aloqalarini – eksport va importni toʻxtatdi. Mamlakat hukumati bu haqda rasmiy maʻʻlumot bergani yoʻq. Biroq Isroil tashqi ishlar vaziri Israel Kats xabarni tasdiqlab, qarshi choralar koʻrilishini bildirdi.
Qirgʻizistonning Jalolobod viloyatida muzqaymoq ortilgan kichik yuk mashinasi «Manas» dostonini oʻqish boʻyicha umumxalq aktsiyasida ishtirok etayotgan bir guruh maktab oʻquvchilarini bosib ketdi. Soʻnggi maʻʻlumotlarga koʻra, hodisa oqibatida 31 bola jarohatlandi. Haydovchi qoʻlga olindi.
1 maydan boshlab 25 davlat fuqarolari Tojikistonga 30 kungacha muddat vizasiz kelishlari mumkin boʻldi. Yana 16 davlatning 55 yoshdan oshgan fuqarolari 14 kungacha vizasiz kirishga ruxsat oldi. 14 ta davlat fuqarolari esa Tojikistonga vizalarni soddalashtirilgan tartibda olishlari mumkin boʻladi.