Oʻzbekiston va Ozarbayjon prezidentlari Ittifoqchilik munosabatlari toʻgʻrisidagi shartnomani imzoladi. Shuningdek, tomonlar aviaqatnovlar sonini oshirish, 20 ta ustuvor yoʻnalishni qamrab olgan kompleks dasturni qabul qilish, tovar ayiboshlash hajmini bir necha barobarga oshirish va boshqalarga kelishib oldi. Oʻzbek-ozarbayjon biznes forumida umumiy qiymati 2 milliard dollardan ziyod istiqbolli loyihalar portfeli shakllantirildi.
Belarus prezidenti Aleksandr Lukashenkoning “Rossiya” telekanaliga bergan intervʻyusida Markaziy Osiyo davlatlari, xususan, Qozogʻiston haqidagi gaplari tufayli Belarusning Ostonadagi elchisi Tashqi ishlar vazirligiga chaqirildi. Lukashenko oʻz intervʻyusida “Qozogʻistonda nimalardir roʻy berganida, Xitoy, Hindiston yoki Pokistondan emas, Minsk va Moskvadan yordam soʻraganini iddao qildi. U intervʻyuda Oʻzbekistonni ham tilga oldi.
Ozarbayjon prezidenti Ilhom Aliev 22 avgust kuni davlat tashrifi bilan Toshkentga keldi. Toshkent xalqaro aeroportida Ozarbayjon rahbarini Oʻzbekiston bosh vaziri Abdulla Aripov boshchiligidagi rasmiylar kutib oldi.
Qozogʻiston prezidenti Qosim-Jomart Toqaev davlat tashrifi bilan Tojikistonga keldi. Ikki tomonlama muzokaralarda davlatlar oʻrtasidagi siyosiy, iqtisodiy va ijtimoiy aloqalarni yanada kengaytirish, oʻzaro savdo aloqasini 2 mlrd dollarga etkazish masalalari muhokama qilindi. “Ittifoqchilik munosabatlarini mustahkamlash boʻyicha birgalikdagi saʻʻy-harakatlarimiz butun Markaziy Osiyo mintaqasida barqaror oʻsish va barqarorlikni taʻʻminlashga xizmat qiladi”, — dedi Toqaev tashrif davomida.
Isroilga energiya tashuvchilarini etkazib berayotgan kompaniya va davlatlar Gʻazodagi harbiy jinoyatlarga sherik sifatida ayblanishi mumkin. Ular orasida Qozogʻiston, Ozarbayjon, Albaniya va boshqa mamlakatlar bor.
Qozogʻiston Tashqi ishlar vazirligi Afgʻoniston diplomatik missiyasi rahbari Muhammad Ur Rahmon Rahmoniyni ishonchli vakil sifatida akkreditatsiyadan oʻtkazdi. Bundan koʻzlangan maqsad ikki mamlakat oʻrtasidagi savdo-iqtisodiy va gumanitar hamkorlikni kengaytirishdan iborat ekani maʻʻlum qilindi.
2024 yilning oktyabrʻ oyida Oʻzbekistonda Imom Abu Iso Muhammad Termiziyning 1200 yilligi keng nishonlanadi. Jumladan, xalqaro ilmiy konferentsiya va anjuman, koʻrgazmalar, tanlovlar oʻtkazish rejalashtirilgan. Shuningdek, Imom Termiziyning “Ash-Shamoil al-Muhammadiyya” va “Sunani Termiziy” asarlarining koʻp jildlik tarjima va sharhi tayyorlanib, chop etiladi. Prezident Shavkat Mirziyoev shu haqdagi qarorni imzoladi.
Turkiyada maktab oʻquvchilarining etti haftalik yozgi Qurʻʻon kurslari yakuniga etdi. Mashgʻulotlarda 2,5 million oʻquvchi ishtirok etdi. Mashgʻulotlar doirasida turli musobaqalar (ham diniy, ham sport boʻyicha) tashkil etilib, eng muvaffaqiyatli oʻquvchilarga velosiped va planshetlar sovgʻa qilindi.
Rossiya prezidenti Vladimir Putin ikki kunlik davlat tashrifi bilan Bokuga keldi. RF va Ozarbayjon prezidentlari mintaqaviy va xalqaro siyosatning dolzarb masalalari, xususan, Ozarbayjon-Armaniston kelishuvi mavzusi boʻyicha fikr almashmoqda. Tashrif yakunlari boʻyicha davlat rahbarlarining Qoʻshma bayonoti qabul qilinishi va qator hujjatlar imzolanishi rejalashtirilgan.
Bosh vazir Abdulla Aripov boshchiligidagi Oʻzbekiston delegatsiyasi Afgʻoniston Islom Amirligiga tashrif buyurib, Tolibon rahbariyati bilan koʻp tomonlama muzokaralar oʻtkazdi. Uchrashuvlarda oʻzaro savdo aylanmasini 2024 yilda 1 mlrd dollarga, yaqin istiqbolda esa 3 mlrd dollarga etkazish, Afgʻonistonda Oʻzbekiston mahsulotlari koʻrgazmasini tashkil etish, afgʻon tadbirkorlarining Oʻzbekistonda faol ishlashini taʻʻminlash masalalari muhokama qilindi.