Ozarbayjon Mudofaa vazirligi Armaniston Qurolli kuchlari boʻlinmalari Naxchivon Muxtor Respublikasining Ordubad tumani Xanza aholi punkti yoʻnalishida joylashgan Ozarbayjon qoʻshinlari pozitsiyalariga qarata oʻq uzganini maʻʻlum qildi. Armaniston bu xabarlarni rad etdi.
Qariyb ikki yildan buyon urush davom etayotgan Ukrainada oʻzbekistonliklar yangi kompaniya tashkil etganlar orasida turklardan keyin ikkinchi boʻldi. 2022 yil martidan buyon oʻzbek tadbirkorlari 312 ta kompaniyaga asos soldi. Turklar – 396 ta. Shuningdek, Ukraina poytaxtida eng koʻp Oʻzbekiston fuqarolari tadbirkorlik faoliyatini tashkil etgan – 175 ta kompaniya.
Qirgʻizistonning Issiqkoʻl boʻyidagi Choʻlpon-Ota shahrida Markaziy Osiyo mamlakatlari favqulodda vaziyatlar vazirliklari rahbarlarining mintaqaviy forum-kengashi boʻlib oʻtdi. Tadbirda Markaziy Osiyo zilzila, suv toshqinlari, koʻchki kabi tabiiy ofatlarga moyil zaif hudud boʻlib qolayotgani, aholi va hududlarni tabiiy hamda texnogen favqulodda hodisalardan himoya qilish boʻyicha oʻzaro hamkorlikni kuchaytirish zarurligi taʻʻkidlandi.
Sentyabrʻ oyi yaqinlashgani sari mamlakatimizning qoʻshtirnoq ichidagi "ilgʻor" qatlamida, taʻʻlim darajamizning bugungi kun talablariga qay darajada javob berishi qolib, maktab formasi masalasi koʻtariladi.
Turkiya ichki ishlar vaziri Ali Erlikaya mamlakat aeroportlarida AQSh va Britaniyada boʻlgani kabi, chet elliklardan barmoq izlari olinishi rejalashtirilayotganini maʻʻlum qildi. Shuningdek, u Turkiya immigratsiya siyosatiga kiritilayotgan oʻzgarishlar, xususan, yashash guvohnomasini olishdagi kutilayotgan oʻzgarishlar haqida ham maʻʻlumot berdi.
Qozogʻistonning sobiq prezidenti Nursulton Nazarboevning jiyani Qayrat Satibaldi (Satibaldiuli) ikki yil ichida 32,8 milliard tenge yoki 1,6 milliard dollardan ortiq noqonuniy sotib olingan mol-mulkini davlatga qaytardi.
Boku İran İnternational, Kan va The Telegraph kabi xorijiy OAVlar tarqatgan Ozarbayjon hududida Isroil qoʻshinlari mavjudligi haqida xabarlarni rad etdi. Ozarbayjon hududida hech qanday xorijiy davlatning harbiy kuchlari mavjud emasligini maʻʻlum qilamiz va bu borada yolgʻon maʻʻlumotlarga asoslangan axborot manipulyatsiyasini keskin qoralaymiz”, - deyiladi bayonotda.
Turkiyaning Bamakodagi elchisi Efe Jeylan boshchiligidagi turk delegatsiyasi Mali Bosh shtab rahbari general Umar Diarra bilan uchrashdi. Uchrashuvda Turkiya harbiy delegatsiyasi Mali hukumatiga terrorchi guruhlarga qarshi kurashda harbiy yordam koʻrsatishni davom ettirishga tayyorligini tasdiqladi.
Rossiyadagi “Vatandosh” oʻzbek jamiyati rahbari Usmon Baratov toʻrt yil muddatga qamaldi. U yanvarʻ oyida Rossiyada tuxum narxi oshgani haqidagi xabarlardan soʻng “Odnoklassniki” ijtimoiy tarmogʻidagi sahifasiga tovuqlar suratini joylashtirib, «Tuxum boʻlishi uchun xoʻrozlarni urushdan qaytaring» degan mazmunda izoh qoldirgan edi.
Oʻzbekistonda yana bir diniy oliy taʻʻlim muassasasi – Imom Termiziy nomidagi islom instituti Oʻzbekiston Adliya vazirligida davlat roʻyxatidan oʻtkazildi. Taʻʻlim muassasasida oʻqish muddati 4 yil boʻlib, bakalavr darajasidagi oliy diniy maʻʻlumotli hadis ilmlari, diniy fanlar va arab tili boʻyicha mutaxassislar tayyorlanadi.