Toqaev: Ostona Qozogʻiston-Tojikiston munosabatlarini yangi bosqichga koʻtarish niyatida

Qozogʻiston prezidenti Qosim-Jomart Toqaev davlat tashrifi bilan Tojikistonga keldi. Ikki tomonlama muzokaralarda davlatlar oʻrtasidagi siyosiy, iqtisodiy va ijtimoiy aloqalarni yanada kengaytirish, oʻzaro savdo aloqasini 2 mlrd dollarga etkazish masalalari muhokama qilindi. “Ittifoqchilik munosabatlarini mustahkamlash boʻyicha birgalikdagi saʻʻy-harakatlarimiz butun Markaziy Osiyo mintaqasida barqaror oʻsish va barqarorlikni taʻʻminlashga xizmat qiladi”, — dedi Toqaev tashrif davomida.

Qozogʻiston va Tojikiston oʻrtasidagi munosabatlar deyarli barcha yoʻnalishlarda yuksalishga qarab muvaffaqiyatli rivojlanmoqda. Bu haqda Qozogʻiston prezidenti Qosim-Jomart Toqaev Tojikiston prezidenti Emomali Rahmon bilan Dushanbeda boʻlib oʻtgan uchrashuvda aytib oʻtdi.

Millat saroyida (Toj. Qasri Millat) Dushanbega davlat tashrifi bilan kelgan Toqaevni rasmiy kutib olish marosimi boʻlib oʻtdi.

Qozogʻiston prezidenti koʻp qirrali qozoq-tojik sherikchiligini mustahkamlashda mustahkam asos boʻlib xizmat qilayotgan oliy darajadagi muntazam uchrashuvlarga katta ahamiyat berishini taʻʻkidladi.

“Biz ishonchli ittifoqchilarmiz. Biz Tojikistonning Qozogʻistonga munosabatini yuqori baholaymiz. Lekin yarim yoʻlda toʻxtab qololmaymiz, oldinga intilishimiz kerak. Binobarin, ushbu tashrifdan koʻzlangan maqsad hamkorligimizni rivojlantirishga eng jiddiy darajada turtki berishdir. Bugun Ittifoqchilik munosabatlari toʻgʻrisidagi shartnoma imzolanadi. Ushbu hujjat tarixiy ahamiyatga ega. Shuning uchun bizni qiziqtirgan barcha masalalar yuzasidan mazmunli fikr almashishimizga ishonaman”, — dedi Qozogʻiston rahbari.

Muzokaralar chogʻida savdo-iqtisodiy, tranzit-transport, energetika va madaniy-gumanitar sohalardagi hamkorlik, shuningdek, raqamlashtirish, qishloq va suv xoʻjaligi sohalaridagi oʻzaro sherikchilik masalalari muhokama qilindi.

Davlat rahbarlarining tor doiradagi uchrashuvidan soʻng rasmiy delegatsiyalar aʻʻzolari ishtirokida kengaytirilgan muzokaralar davom etdi.

“Ittifoqchilik munosabatlarini mustahkamlash boʻyicha birgalikdagi saʻʻy-harakatlarimiz butun Markaziy Osiyo mintaqasida barqaror oʻsish va barqarorlikni taʻʻminlashga xizmat qiladi”, — dedi Toqaev.

Qozogʻiston prezidenti Tojikistonga davlat tashrifidan asosiy maqsad qozoq-tojik xalqlarining doʻstlik va oʻzaro yordam munosabatlarini sifat jihatidan yangi bosqichga olib chiqishdek umumiy maqsadga erishish ekanligini taʻʻkidladi.

“Biz oʻzaro savdo hajmini 2 milliard dollarga etkazishni maqsad qilganmiz. Bu koʻrsatkichga erishish uchun imkoniyatlar mavjud, deb hisoblayman”, — dedi Toqaev.

Ayni paytda, Tojikiston prezidenti Emomali Rahmon ittifoqchilik munosabatlari toʻgʻrisidagi shartnoma imzolanishi davlatlararo hamkorlikni uzoq muddatli istiqbolda sifat jihatidan mustahkamlashini taʻʻkidladi.

“Ishonchim komilki, bu xalqlarimizning tub manfaatlariga javob beradi. Sizning bugungi tashrifingiz bir qator parallelʻ tadbirlar bilan birga oʻtmoqda. Bular Qozogʻiston madaniyati kunlari, qozoq kinosi kunlari, ikki davlat ziyolilari, olimlari, ayollari, yoshlari, tadbirkorlari ishtirokidagi tadbirlardir. Ular mamlakatlarimiz va xalqlarimiz oʻrtasidagi mustahkam doʻstlik, yaqinlik, oʻzaro hamjihatlik va hamkorlikni kengaytirishning namoyishiga aylandi”, — dedi Tojikiston rahbari.