Putin Ozarbayjonga davlat tashrifi bilan keldi
18 avgust kuni Rossiya prezidenti Vladimir Putin ikki kunlik davlat tashrifi bilan Bokuga keldi. Bu haqda RF va Ozarbayjon prezidentlarining matbuot xizmatlari xabar berdi.
Oʻsha kuni kechqurun Ozarbayjon prezidenti Ilhom Alievning
qarorgohida Rossiya rahbari bilan norasmiy kechki ovqat boʻlib oʻtdi. “RIA
Novosti”ning yozishicha, siyosatchilar bir-birini quchoqlab, iliq salomlashgan. Putin
Ozarbayjonning birinchi xonimi Mehribon Alievaga gul topshirgan.
Tashrif dasturiga Putin va Aliev oʻrtasidagi muzokaralar
kiritilgan. “Prezidentlar mintaqaviy va xalqaro siyosatning dolzarb masalalari,
xususan, Ozarbayjon-Armaniston kelishuvi mavzusi boʻyicha fikr almashadilar”, —
deyiladi Kremlʻ xabarida. Shuningdek, Rossiya-Ozarbayjon munosabatlarini
rivojlantirish istiqbollari ham muhokama qilinadi.
Tashrif yakunlari boʻyicha davlat rahbarlarining Qoʻshma bayonoti
qabul qilinishi va qator hujjatlar imzolanishi rejalashtirilgan.
Bu Putinning 2018 yil sentyabridan beri Bokuga ilk tashrifi.
Liderlarning soʻnggi uchrashuvi 2024 yil aprelida Moskvada boʻlib oʻtgan.
2024 yil boshidan buyon Putin Oʻzbekiston, Shimoliy Koreya va Vʻetnamga davlat
tashriflarini amalga oshirdi, shuningdek, Xitoy, Belarus va Qozogʻistonga amaliy
tashriflar bilan bordi.
Mavzuga aloqador
-
Istanbulda Islom Hamkorligi Tashkiloti axborot vazirlarining navbatdan tashqari yigʻilishi Isroil dezinformasiyasiga qarshi kurashishga kelishib olindi. Yigʻilishda Oʻzbekistondan ham vakil ishtirok etdi.
-
Turkiya prezidenti Rajab Toyyib Erdoʻgʻon ayni paytda HAMASning mingdan ortiq aʻʻzosi oʻz mamlakatida davolanayotganini maʻʻlum qildi. "HAMASni biror terroristik guruh deb hisoblamayman va ayni paytda HAMASni qadamma-qadam kuzatib bormoqdaman va oʻlkamda hozirda mingdan ziyod HAMAS aʻʻzolari kasalxonalarimizda, barchasi davolanmoqda. Ishimizni mana shunday davom ettirmoqdamiz", - dedi Turkiya etakchisi.
