Олдинроқ, ижтимоий тармоқларда давлат хизматчиси ўз хизмат хонасида аёл кишини қучоқлаб ўтиргани акс этган сурат тарқалганди. Унинг бу ахлоқсизлиги селектор йиғилишида кутилмаганда камерага тушиб қолган. Ҳолат юзасидан Камбағалликни қисқартириш ва бандлик вазирлиги расмий муносабат билдирди. Унга кўра, хабарларда тилга олинган ходимлар билан меҳнат шартномаси бекор қилинган. Расмий муносабатда ушбу ходимларнинг шахси очиқланмаган.

Қашқадарё вилояти ИИБнинг хабар беришича, Китоб туманидаги хонадонида 9 нафар вояга етмаган болага Қуръони Карим ва "Муаллими соний" китоблари асосида дарс ўтишдек "оғир жиноят"га қўл урган шахс ушланган.

2025 йил 1 августдан бошлаб Озарбайжон гази Сурияга етказиб берилади. Ушбу жараён Килис – Ҳалаб магистрал қувури орқали амалга оширилади. Газ етказиб бериш ҳажми йилига 1,2 миллиард куб метрни ташкил этиши кутилмоқда.

исроил расмийси ҲАМАСнинг ўт очишни тўхтатиш таклифини маъқуллади, деб хабар бермоқда Arab News. Яҳудий давлати ушбу таклифни қабул қилган-қилмаганини аниқ айтмаган ва қўшимча тафсилотларни очиқламаган. ҲАМАС эса 24 июль куни эрта тонгда берган баёнотида ўт очишни тўхтатиш таклифини воситачиларга юборганини тасдиқлаган.

Байрутдан Дубайгача чўзилган осмонўпар бинолар, Қоҳира ва Касабланканинг тор кўчалари, Тунис ва Работнинг ҳашаматли жойлари – буларнинг барчаси бугунги араб шаҳарларининг янги қиёфасини ифодалайди. Аммо бу янгиланиш ва модернизация ташқаридан қараганда чиройли кўринсада, ўзида оғир ижтимоий, иқтисодий ва маданий зиддиятларни яшириб туради. Араб шаҳарлари ҳозирги пайтда ўз меъросини йўқотаётган, оддий халқни эса чекка ҳудудларга ҳайдаб чиқараётган улкан бозорларга айланмоқда.

Зеленский коррупцияга қарши кураш бюроси ва Коррупцияга қарши ихтисослаштирилган прокуратура каби муҳим органларни мустақиллигидан маҳрум қилувчи қонунни қабул қилган. Янги қоидалар бўйича ушбу органлар устидан назорат президент томонидан тайинланган бош прокуратура тасарруфига ўтган.

Истанбулдаги IDEF2025 кўргазмаси пайтида имзоланган келишув икки давлат ўртасидаги ҳарбий ҳамкорликни мустаҳкамлашга қаратилган. Унга кўра, Озарбайжон Туркиянинг Baykar компанияси томонидан ишлаб чиқариладиган учувчисиз учиш аппаратларини харид қилади.

Ўзбекистонда 2025 йил январь июнь ойларида 405,5 минг чақалоқ туғилди. Шундан 209,6 минг нафари ўғил (51,7 фоиз), 195,9 минг нафари (48,3 фоиз) қиз болалар. Шаҳар жойларида 197,8 минг, қишлоқларда 207,7 минг чақалоқ дунёга келган. Жорий туғилишлар сони 2024 йил мос даврига нисбатан 14,4 минг нафарга, 2023 йил I ярмига қараганда 29,1 минг нафарга камайган.

Ўзбекистон делегацияси Малайзия Марказий банки раҳбарияти билан учрашув ўтказиб, исломий банк тизими ва молиявий тартибга солиш борасидаги асосий ҳамкорлик йўналишларини муҳокама қилди. Учрашувда Малайзия тажрибаси – исломий банклар ва молиявий институтларга лицензия бериш, уларни назорат қилиш ва тартибга солиш жараёнлари батафсил ўрганилди. Хусусан, Шариат тамойилларига риоя этилиши ва исломий молия тизимидаги ликвидликни самарали бошқариш механизмларига алоҳида эътибор қаратилди.

Ҳеч қачон одамзот бугунгидек маълумотга бой бўлмаган. Ҳар сонияда YouTube'га 500 соатлик янги видеолар юкланади, ҳар куни интернетда 7 миллиондан ортиқ пост ёзилади. Ҳар биримизда чўнтагимиздаги телефон орқали илм олиш имкони бор. Ажабланарлиси, шунча имкониятларга қарамай бугунги авлод маънан қашшоқликда аждодларидан ўтиб кетяпти.