01.08.2025 07:18
193
Россия мигрантлар учун янги давлат божларини жорий қилди
Президент Владимир Путин 2025 йил сентябр ойидан бошлаб Россияда мигрантлар учун янги давлат божлари жорий этилиши, илгари амалда бўлган божлар қиймати эса оширилиши тўғрисидаги қонунни имзолади.
Жумладан, 1 сентябрдан бошлаб, чет эл фуқароларини яшаш жойи бўйича ҳисобга қўйиш учун 500 рубл, шунингдек, вақтинча бўлиш муддатини узайтириш учун 1 минг рубл миқдорида йиғим жорий этилади.
Бундан ташқари, патент бериш ёки қайта расмийлаштириш учун 4,2 минг рубл миқдорида бож амал қила бошлайди.
Ишлаш учун рухсатноманинг амал қилиш муддатини узайтириш учун мигрантлар 4,2 минг рубл, унинг дубликатини бериш ёки рухсатномага тузатишлар киритиш учун эса 2,1 минг рубл тўлаши керак бўлади.
