Сурия ТИВ раҳбари Москвада: у Путин билан учрашди

Шайбоний билан учрашган Лавров Сурия ҳукуматига мамлакатдаги Россия ҳарбий объектларининг хавфсизлигини таъминлагани учун миннатдорлик билдирган.

Суриянинг SANA давлат агентлигига кўра, президент Владимир Путин ҳам Шайбоний ва у бошчилигидаги делегацияни Кремлда қабул қилган, бироқ учрашув тафсилотлари ошкор этилмаган.

Қўшма матбуот анжуманида Шайбоний "Москвага бу сафаримиз – ўтмиш сабоқлари асосида келажакни шакллантириш учун зарур бўлган мулоқотни бошлашдир", деган.