Нигериянинг Кадуна штатида 7 март куни ўғирлаб кетилган 287 нафар мактаб ўқувчиси озод қилинди. Уларни қайси жиноий гуруҳ ўғирлаб кетилгани маълум эмас, бироқ маҳаллий аҳоли уларнинг товон пули олиш учун қароқчилик қилувчи собиқ чорвадорлар эканини айтмоқда.
Исроил Ғазо секторида босқинчилик ва қирғинбарот урушини бошлаганига 171 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар.
Исроил армиясининг Ғазо сектори шимолида навбатда турган гуманитар ёрдам олиш учун кутаётган фаластинликларга бугунгача уюштирган зарбалари натижасида жами 560 киши ҳалок бўлди, 1523 киши тан жароҳати олди.
Москва яқинидаги Крокус Сити Холл концерт зали биносида теракт содир этишда гумонланаётган тўрт террорчи ҳақидаги тафсилотлар маълум бўлди. Уларнинг барчаси Тожикистон фуқаролари бўлиб, ёпиқ суд мажлисида терговгача ҳисбга олиш тўғрисида ҳукм қилинди.
Исроил Ғазо секторида босқинчилик ва қирғинбарот урушини бошлаганига 169 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар.
Канада парламенти Исроилга қурол-яроғ экспортини тақиқловчи мажбурий бўлмаган резолюцияни қабул қилди. Ҳукумат, шунга қарамай, Исроилга ҳарбий маҳсулотларни экспорт қилишда давом эттириши айтилмоқда. Шу билан бирга, келгусида экспорт бутунлай тўхтатилиши ҳам маълум қилинди.
Россия президентига Крокус Сити Холлдаги терактда иштирок этганликда гумонланиб 11 киши, жумладан тўрт террорист қўлга олингани ҳақида маълумот берилди. Ижтимоий тармоқларда террорчиларнинг Тожикистон фуқаролари экани ҳақидаги хабарлар тарқалди. Ўз навбатида, Тожикистон ТИВ ушбу хабарларни “фейк” деб атади. Теракт қурбонлари сони 93 нафарга етди.
Muslim Aid халқаро мусулмонлар хайрия жамғармаси директори Халид Жавид Британияда қашшоқлик мисли кўрилмаган суръатда ўсаётгани, унинг ташкилоти масжидларда тарқатаётган озиқ-овқат ёрдамини олишга мусулмон бўлмаганлар ҳам келаётганини маълум қилди.
Америка-Ислом кенгаши Исроилнинг 7 октябрда Ғазо ҳужуми бошланганидан буён АҚШ Федерал қидирув бюроси фаластинлик, араб ва мусулмонларни кузатиб, сўроқ қилаётганини билдирди. Суҳбатларда улардан асосан ҲАМАСни қўллаб-қувватлаши, Исроил ва ҲАМАС бўйича фикрлари сўралмоқда.
Россия ва Хитой БМТ Хавфсизлик Кенгаши йиғилишида АҚШ таклиф қилган Ғазо секторида ўт очишни тўхтатиш бўйича дипломатик саъй-ҳаракатларни қўллаб-қувватлашга қаратилган резолюцияга вето қўйди. Россия вакили АҚШ ташаббусини иккиюзламачилик деб атаб, бундан кейин ўт очишни талаб қилмайдиган ва ҳеч қаерга олиб бормайдиган маъносиз резолюциялар қабул қилинмаслигини таъкидлади.