THY Венесуэла, Мексика, Колумбия, Куба ва Бразилияга бормоқчи бўлган йўловчиларни қўшимча шартлар тўғрисида огоҳлантирди. Унга кўра, паспорт ва виза бўлган тақдирда ҳам, багажсиз, меҳмонхона банд қилмаган ва қайтиш чиптаси бўлмаган йўловчилар самолёт бортларига чиқарилмайди.
Мусулмон ташкилотлари 15 март - Халқаро исломофобияга қарши кураш куни муносабати билан халқаро ҳамжамиятни Исроил, Ҳиндистон, Хитой ва Франция ҳукуматлари томонидан содир этилаётган исломофобик бошбошдоқликларга эътибор қаратишга чақирди.
Сурияда фуқаролик уруши бошланганига 13 йил тўлди. Бу муддат давомида 306 мингдан зиёд суриялик ҳалок бўлди, 5 млн дан ортиқ киши қўшни давлатлардан бошпана топди, 7 млн киши эса ички қочқинга айланди. Айни пайтда 16,7 млн киши гуманитар ёрдамга муҳтож.
Зимбабве полицияси ўзини «пайғамбар» ва дин етакчиси деб эълон қилган Исмоил Чокуронгерва ҳамда унинг етти нафар шерикларини жиноий ҳаракатлар, жумладан, вояга етмаганларга нисбатан зўравонлик учун ҳибсга олди.
Россияда президентлик сайловлари бошланди, у мамлакат тарихида илк бор уч кун - 15, 16 ва 17 март кунлари бўлиб ўтади. Сайлов босиб олинган Қримда ва Украинанинг Россия назорати остидаги ҳудудларида - Донецк, Луганск, Запорожье ва Херсон вилоятларида ҳам бўлиб ўтади.
"Интер Маями"да ўйнаётган Лионел Месси Саудиянинг “Саяр” кийим-кечак бренди рекламасида роль ўйнаш учун араб миллий либосида кийинди.
Исроил Ғазо секторида босқинчилик урушини бошлаганига 161 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар дайжести.
Сомали пойтахти Могадишуда президент мажмуаси яқинида жойлашган меҳмонхонага “Ал-Шабаб” террорчилари ҳужум қилди. Портлаш ва отишмаларда бир қанча амалдор, депутат ва журналистлар яраланди. Ҳалок бўлганлар ҳам бор.
Россияда фирибгарлар мамлакатдаги таниқли диний арбоб, “Еттинчи авлод” маҳаллий мусулмонлар диний ташкилоти раҳбари Алишер Жураевнинг овозини сунъий интеллект ёрдамида сохталаштирди. Улар Жураевнинг катта миқдорда қарз сўраган овозини оммавий тарқатишган.
Яманда кузатилган кучли ёғингарчиликлар туфайли 2 млн ички қочқинлар яшаётган 204 та лагерга зарар етказди, 6,5 минг оила бошпанасиз қолди. Улар озиқ-овқат, бошпана, кийим-кечак ва гигиена воситаларига муҳтож.