Ҳизбуллоҳ Ливаннинг тоғли ҳудудидан муваффақиятли фойдаланган ҳолда қаршилик жангчиларига Исроил ҳаво ҳужумларидан яширинишга ёрдам берувчи туннеллар тармоғини яратди. Истеъфодаги бригада генерали Фади Довуднинг сўзларига кўра, туннеллардан бошпана сифатида фойдаланиш ва энг кутилмаган жойларда ер остидан ҳужум қилиш эҳтимоли "душманнинг барча ҳарбий устунликларини нолга туширади".

Тожикистон Ислом маркази уламолар кенгаши аёлларнинг тор қора либосларни кийшларини тақиқловчи фатво чиқарди. “Жамият барқарорлиги ва хавфсизлигини ҳимоя қилиш, диний ва миллий одоб-ахлоқ меъёрларини ҳурмат қилиш мақсадида аҳоли маданиятимиз, динимиз ва миллатимизга ёт, ахлоққа тўғри келмайдиган, ғаразли мақсадларда тарғиб қилинадиган ҳар қандай кийим кийишдан ўзини тийиши лозим”, — дейилади фатвода.

Россия Давлат думаси депутатлари РФ фуқаролигини олган хорижликлар учун ҳарбий хизмат муддатини узайтириш ҳамда чақирув ёшини ошириш таклифини илгари сурди. Айни пайтда Россия Қуролли кучлари сафида хизмат қилиш муддати бир йил, энг юқори чақирув ёши эса 30 ёшни ташкил этади.

Халқаро Олимпия қўмитаси (ХОҚ) якшанба куни Леонардо да Винчининг “Сўнгги кечки овқат” картинасига пародия қилинган очилиш маросимининг бир қисмига нисбатан шикоятлар ортидан расман узр сўради. Хусусан, католик черкови “дрег-квин”лар (эркаклар киядиган аёллар либоси – таҳр.) Исо Масиҳнинг шогирдлари билан охирги бор таомланиши тасвирлаган саҳнани қаттиқ ҳақоратлаган деб топди.

Исроил Ғазо секторида босқинчилик ва қирғинбарот урушини бошлаганига 297 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар.

Малида жангарилар Россиянинг “Вагнер” хусусий ҳарбий компанияси колоннасига ҳужум уюштирди. ХҲК баёнотида айтилишича, жанг 5 кун давом этган ва охирги хабарномада уч киши қаршилик кўрсатаётгани билдирилган. Манбалар 12 нафар ҳарбий асирга олингани, 53 нафари ўлдирилганини маълум қилди. Хусусан, Пригожиннинг ўринбосари, унинг ўлимидан сўнг ХҲКга раҳбарлик қилган Антон Елизаровнинг ҳам асирга олингани айтилди.

Молия вазири Безалел Смотрич, атроф-муҳит вазири Идит Силман, иқтисодиёт вазири Нир Баркат ва энергетика вазири Эли Коэн дафн маросимига келишганида, қурбонларнинг қариндошлари уларни маросимдан қувиб чиқаришди. Улар фожиани сиёсий воқеага айлантиришни исташмади. “Биз друзларнинг урф-одатлари бўйича тинчгина дафн маросимини ўтказиш имкониятини беришни талаб қиламиз”, — деб ёзади жамоа етакчилари Исроил ҳукуматига мурожаатида.

Париж-2024 олимпия ўйинларининг тантанали очилиш маросими 26 июль куни бўлиб ўтди. Унда намойиш этилган саҳна кўринишлари дунёнинг эсли-хушли инсонларини ларзага солди. Таниқли шахслар, блогерлар, оммавий ахборот воситалари француз томошаларини “жирканч”, “дидсиз”, “аҳмоқона”, “ҳақиқий ахлат” деб баҳоладилар. Ушбу томошалар мавзувий жиҳатдан ўта жинсийлаштирилгани ва худога шак келтиришга қаратилгани туфайли дунё ҳамжамиятининг нафаратига учради.

Канада Олий суди 1850 йилда маҳаллий ҳинду қабилалари ва Британия қироллиги ўртасида ердан фойдаланганлик учун ҳар бир туб аҳоли вакилига товон пули тўланиши кераклиги ҳақидаги шартнома шартлари бажарилмагани тўғрисида ҳукм чиқарди. Бу маҳаллий ҳинду қабилаларининг ҳар бир вакилига катта миқдорда товон пули тўланиши мумкинлигини англатади.

Америкалик актриса Женифер Лопез фаластинликларга озиқ-овқат ва тиббий ёрдам учун 4,5 млн доллар миқдорида хайрия ажратди. Ўз навбатида, Голливуд актёри Жон Войт қизи Анжелина Жолини Фаластин тарафдори позицияси учун очиқчасига танқид қилди ва актрисани "антисемитлар таъсирида" айблади.