ДХХ ҳамда ИИО ходимлари Тошкент, Фарғона ва Наманганда фуқароларни ноқонуний равишда Ҳаж ва Умра сафарларига юбормоқчи бўлган шахсларни қўлга олди.

АҚШ ва Саудия Арабистони ўртасида қиймати тахминан 142 миллиард доллар бўлган “тарихдаги энг йирик қурол-яроғ сотуви бўйича шартнома” имзолангани хабар қилинди. Шунингдек, Google, Oracle, Jacobs, Boeeing ва бошқа ширкатлар билан ҳам келишувларга эришилди.

Жорж Орвеллнинг “1984” асари билан таниш бўлган ҳар бир киши унда тасвирланган парчаланган дунё ҳақида яхши билади. Бу дунёда йирик иқтисодиётлар алоҳида, қалъасимон ороллар сифатида фаолият юритиб, учта геосиёсий супердавлат: Океания, Евросиё ва Шарқий Осиёга бирлашган. Бу тузилмалар ҳал қилувчи ғалабаларни қўлга киритиш учун эмас, балки ички назоратни кучайтириш, ортиқча маблағ ва ресурсларни сарфлаш ҳамда тақчилликни сақлаб қолиш учун доимий зиддият ва музокараларга киришган. Бу ҳолат Чарлз Тиллининг "барқарор тенгсизлик" назариясини ёдга солади, унда мустаҳкам иерархиялар эксплуатация ва чекловлар орқали сақланиб қолади. Савдо урушлари ва иқтисодий қайта кўриб чиқишлар давом этиб турган бугунги глобал тартиб худди шундай сценарийга қараб кетаётганга ўхшайди.

АҚШ президенти Дональд Трамп 2025 йил 13 май куни Яқин Шарқ бўйлаб сафарини Саудия Арабистонидан бошлади. У ерда у валияҳд шаҳзода Муҳаммад бин Салмон томонидан тантанали кутиб олинди. Сафарнинг бош мақсади – икки томонлама иқтисодий алоқаларни мустаҳкамлаш ва стратегик ҳамкорликни кенгайтиришдир

АҚШ Давлат департаменти томонидан ўтказиладиган Diversity Visa (DV) — Green Card лотереяси натижаларига кўра, 2025 йилги дастурда Ўзбекистон фуқароларидан 5 564 нафар киши ғолиб деб топилди. Бу кўрсаткич жаҳон бўйича энг юқори натижа сифатида қайд этилди.

Хукумат қарори билан 1 сентябрдан хорижий мамлакатларда қонун бузиб, депортация қилинган ёки Ўзбекистон обрўсини тўккан фуқароларга икки йил муддатга хорижга чиқиш паспорти берилмайди. Истисно ҳолатлар Ички ишлар вазирлиги томонидан белгиланади.

Ҳиндистон бош вазири Нарендра Моди Покистон билан сўнгги тўрт кунлик ҳарбий тўқнашувлардан сўнг халққа мурожаат билан чиқди. У Покистон томонидан Ҳиндистонга қарши бирор ҳаракат содир этилса кескин жавоб қайтарилишини таъкидлаган. Шунингдек, у икки давлат ўртасидаги сув битимининг тўхтатилганига ишора қилиб, "сув ва қон бирга оқмаслиги"ни қўшимча қилган.

Ўзбекистон Ички ишлар вазирлиги Мубашшир Аҳмаднинг Ўзбекистонга депортация қилингани ва қамоққа олинганини тасдиқлади.

АҚШ президенти Доналд Трампнинг маълум қилишича, у 15 майда Истанбулда Россия ва Украина ўртасида ўтказилиши режалаштирилган музокараларда шахсан ўзи қатнашиши мумкин. АҚШ етакчиси Эрдўғоннинг ажойиб мезбон эканлигини эътироф этган.

Инглиз ҳарбийлари Ироқ ва Афғонистонда тинч аҳолини, шу жумладан болаларни отиб ўлдириш, маҳбусларни мунтазам қатл этиш ва одамларни ухлаб ётган жойида портлатиб юбориш каби ваҳшийликларга қўл урган.