“Fargʻoniy” sunʻʻiy yoʻldoshi bu yil kosmosga uchiriladi – Selchuk Bayraktar

Turkiyaning Baykar Yönetim aviasozlik kompaniyasi boshqaruvi raisi Selchuk Bayraktar Fergani Uzay (Fargʻoniy koinot) loyihasi doirasida ilk sunʻʻiy yoʻldosh 2024 yilda kosmosga uchirilishini maʻʻlum qildi.

Bayraktar ayni paytda past orbital sunʻʻiy yoʻdoshlari ustida ish olib borilayotganini qayd etdi.

“Oʻzingiz bilasiz, Turkiya mudofaa sanoatida katta yutuqlarga erishdi. Bizning yutuqlarimiz, bu – nafaqat uchuvchisiz uchoqlar sohasida. Turkiya ayni paytda raketa tizimlari uchun qattiq yoqilgʻida ishlovchi dvigatellar va raketalar ishlab chiqarishga ham qodir”, - deya qoʻshimcha qildi u.

Fergani Uzay kompaniyasiga 2022 yilda Selchuk Bayraktar tomonidan asos solingan boʻlib, iqsodiq samarador innovatsion dvigatelʻ texnologiyalaridan foydalangan holda tijorat sunʻʻiy yoʻldoshlari, sunʻʻiy yoʻldosh komponentlari va kosmik foydali yuklar ishlab chiqarishga ixtisoslashgan.

Fergani Uzay tomonidan ishlab chiqariladigan mikrosunʻʻiy yoʻldoshlar axborot almashish, GPS va boshqa texnologiyalardan iborat 100 kg gacha yuklarni 500-600 km balandlikka chiqarishga qodir boʻladi.

Shuningdek, Fergani Uzay “kosmos avtobusi” deb nomlangan va sunʻʻiy yoʻldoshlarni istalgan orbitalarga olib chiqishi mumkin boʻlgan orbital transport vositalari ustida ham ish olib bormoqda.