Ozarbayjon Frantsiyaning mintaqadagi oʻrnini mustahkamlashiga yoʻl qoʻymaydi – Aliev

Ozarbayjon prezidenti Ilhom Aliev Frantsiya Armanistonni harbiy jihatdan qoʻllab‑quvvatlash orqali mintaqada keskinlikni oshirishga hissa qoʻshishda aybladi.

Ozarbayjon prezidenti Ilhom Aliev Frantsiya Armanistonni harbiy jihatdan qoʻllab‑quvvatlash orqali mintaqada keskinlikni oshirishga hissa qoʻshishda aybladi.

“Frantsiya mintaqada yuritayotgan buzgʻunchi siyosati “olovga yogʻ sepish” tamoyilidan kelib chiqadi”, ‑ dedi Ilhom Aliev Parlamentlararo ittifoq bosh kotibi Martin Chungong bilan uchrashuvda.

Ozarbayjon rahbari Frantsiya Armanistonni harbiy jihatdan mustahkamlash siyosatini faol olib borayotgani va geosiyosiy intrigalar uyushtirayotganini taʻʻkidlab, rasmiy Parij mintaqadagi vaziyatning keskinlashuviga hissa qoʻshayotgani, turli xalqaro tashkilotlar va parlament darajasida Ozarbayjonga qarshi pozitsiyani qoʻllab-quvvatlayotganini alohida taʻʻkidladi.

Aliev Frantsiyaning Janubiy Kavkaz mintaqasida oʻz taʻʻsirini kuchaytirishga intilayotganini, shu bilan birga ularning bu yoʻnalishdagi harakatlari besamar ketayotganini taʻʻkidladi.

Avvalroq Frantsiya parlamentining yuqori palatasi Ozarbayjon hududiy suverenitetini tiklash boʻyicha harbiy qarorini qoralab, hibsga olingan ayirmachilarni ozod etish talab qiluvchi rezolyutsiya qabul qilgan edi.

Rezolyutsiya, shuningdek, Frantsiya va Evropa Ittifoqini “Ozarbayjon bilan munosabatlarni toʻliq qayta koʻrib chiqish”ga chaqiradi, jumladan, sanktsiyalar qoʻllanilishi mumkin.

Bunga javoban Ozarbayjon parlamenti Frantsiya bilan “barcha iqtisodiy aloqalarni toʻxtatish” gʻoyasini ilgari surdi.

Eslatib oʻtamiz, 2023 yilning 4 oktyabrʻ kuni Ozarbayjon prezidenti Ilhom Aliev Ispaniyaning Granada shahrida Armaniston va Evropa Ittifoqi davlatlari rahbarlari bilan rejalashtirilgan uchrashuvda ishtirok etishdan bosh tortgandi. Bu uchrashuvda Erevan va Boku oʻrtasida tinchlik shartnomasi imzolanishi kerak edi.

Keyinroq Aliev tadbirga Frantsiyaning noxolis pozitsiyasi tufayli bormaganini aytdi. U, shuningdek, Frantsiyaning Armanistonga qurol etkazib berishini tinchlik oʻrnatishga hissa qoʻshmaydigan, aksincha yangi qarama-qarshilik uchun shart-sharoit yaratadigan strategiya deb atadi. Prezident mintaqada kelgusida har qanday mojarolar yuzaga kelsa, buning uchun asosiy masʻʻuliyat Frantsiya zimmasiga tushishini taʻʻkidladi.

Mavzuga aloqador

Eng ko‘p o‘qilgan

Tavsiya qilingan

Reklama