Turkiyada MOSSADga maʻʻlumot sotgan gumondorlar qoʻlga olindi

Turkiyada xususiy detektivlar orqali Isroil razvedka xizmati – MOSSADga maʻʻlumot sotgan etti nafar gumondor qoʻlga olindi. Ular biografik maʻʻlumotlar, foto-video hujjatlar toʻplash, jonli kuzatish va nishonlarga qarshi kuzatuv moslamalarini joylashtirish kabi faoliyatlarni amalga oshirgan.

Turkiyada xususiy detektivlar orqali Isroil razvedka xizmati – MOSSADga maʻʻlumot sotgan etti nafar gumondor Milliy razvedka tashkiloti (MİT) va Xavfsizlik Bosh boshqarmasining qoʻshma operatsiyasida qoʻlga olindi, deyaya xabar bermoqda Anadolu.

Xavfsizlik manbalaridan olingan maʻʻlumotlarga koʻra, MİT MOSSADning Turkiyadagi nishonlarini xususiy detektivlar orqali kuzatib borayotganini aniqlagan.

Kuzatuvlar doirasida Isroil razvedka xizmati oʻzining shaxsiy detektivlari orqali biografik maʻʻlumotlar toʻplash, razvedka, tergov, foto-video hujjatlari, jonli kuzatish va nishonlarga qarshi kuzatuv moslamalarini joylashtirish kabi faoliyatlarni amalga oshirganini fosh qilgan.

Istanbul Bosh prokuraturasi tomonidan olib borilgan tergov doirasida 9 nafar gumondorning barchasi ham xususiy detektivlar orqali qoʻlga kiritgan maʻʻlumotlarini MOSSADga sotgani tasdiqlangan.

Buning ortidan Istanbul politsiya boshqarmasi razvedka boʻlimi va terrorizmga qarshi kurash boʻlimi mudirligi guruhlari harakatga tushib, ertalab Istanbul va Izmirda bir vaqtda operatsiya uyushtirdi.

Operatsiya davomida hibsga olish uchun order berilgan 9 nafar gumonlanuvchidan 7 nafari qoʻlga olindi. Xuddi shu tergov doirasida avvalroq ikki gumondorning hibsga olingani maʻʻlum boʻldi.

MİT 2022 yil dekabrʻ oyida MOSSADning xususiy detektivlari va taktik xodimlariga qarshi operatsiya uyushtirib, 68 kishini qoʻlga olgan edi.

Turkiyada “Mossad”ning 33 josusi qoʻlga olindi – asosiy maʻʻlumotlar

Turkiya Isroil razvedkasini ogohlantirdi: Jiddiy oqibatlar boʻladi