Markaziy Osiyo davlatlari Qirgʻizistonga IES avariyasi boʻyicha yordam beradi

Oʻzbekiston, Qozogʻiston va Turkmaniston Bishkek IESdagi avariya boʻyicha Qirgʻizistonga yordam berishini maʻʻlum qildi. Jumladan, Oʻzbekiston Oʻshga suyultirilgan gaz ballonlarini etkazib beradi.

Oʻzbekiston, Qozogʻiston va Turkmaniston Bishkekda IES avariyasi oqibatlarini bartaraf etish boʻyicha Qirgʻizistonga yordam beradi. Ushbu mamlakatlar TIV rahbarlari oʻrtasidagi telefon orqali muloqotlarda bu haqda maʻʻlum qilindi.

Jumladan, Oʻzbekiston tashqi ishlar vaziri Baxtiyor Saidov qirgʻizistonlik hamkasbi Jeenbek Kulubov bilan telefon orqali muloqotda prezident Shavkat Mirziyoev topshirigʻiga koʻra Qirgʻizistonga zarur yordam koʻrsatishi maʻʻlum qilindi.

“Oʻzbekiston tomoni yordam sifatida Andijondan Oʻshga suyultirilgan gaz ballonlarini joʻnatdi”, deyiladi Qirgʻiziston TIV matbuot xizmati xabarida.

Qozogʻiston bosh vaziri oʻrinbosari, tashqi ishlar vaziri Murat Nurtleu Qirgʻiziston tashqi ishlar vaziri Jeenbek Kulubaev bilan Bishkek IES atrofidagi vaziyatni tartibga solish boʻyicha hamkorlik masalalari yuzasidan telefon orqali muloqot qildi, deb xabar berdi ulysmedia.kz.

“Qirgʻiziston tashqi ishlar vaziri Bishkekdagi issiqlik elektr stantsiyasi faoliyatini tiklash boʻyicha koʻrilayotgan chora-tadbirlar haqida maʻʻlumot berdi. Shuningdek, u Qozogʻistonga koʻrsatilayotgan qoʻllab-quvvatlash va Jambil davlat okrug elektr stantsiyasidan elektr energiyasi etkazib berish hajmini oshirish bilan bogʻliq masala tezkorlik bilan hal etilgani uchun minnatdorlik bildirdi”, - deyiladi xabarda.

Shuningdek, Turkmaniston ham Bishkek IESdagi avariya munosabati bilan ushbu mamlakat prezidenti Serdar Berdimuhamedov topshirigʻiga binoan suyultirilgan gaz etkazib berish koʻrinishida gumanitar yordam koʻrsatish niyatida, deya xabar qildi Qirgʻiziston TIV.

Maʻʻlumot uchun, 2 fevralga oʻtar kechasi Bishkek IES qozonlaridan birida portlash sodir boʻldi. Portlash shaharning 66 foiz aholisida issiqlik taʻʻminoti bilan bogʻliq muammolarni keltirib chiqardi. Maktab va bogʻchalar 5 fevralgacha onlayn oʻqitishga oʻtkazildi.

Hodisa oqibatida besh kishi jabrlangan.

Issiqlik elektr stantsiyasiga Qirgʻiziston prezidenti Sadir Japarov tashrif buyurib, restavratsiya ishlarining borishini koʻzdan kechirdi. Prezident vaziyatni shaxsiy nazoratiga olgan va avariya oqibatlarini imkon qadar tezroq bartaraf etishni buyurgan.